ஜார்க்கண்ட் முதலமைச்சராக மீண்டும் பதவியேற்க ஆளுநரை சந்தித்து ஹேமந்த் சோரன் உரிமை கோரியுள்ளார்.
ஜார்க்கண்ட் முக்தி மோர்ச்சா கட்சியின் செயல் தலைவரான ஹேமந்த் சோரன், முதலமைச்சராக இருந்த போது, சட்டவிரோத பணப்பரிவர்த்தனை வழக்கில், கடந்த ஜனவரி 31-ஆம் தேதி அமலாக்கத்துறையால் கைது செய்யப்பட்டார்.
இதனால், தனது பதவியை ஹேமந்த் சோரன் ராஜினாமா செய்தார், இதனை தொடர்ந்து அமைச்சராக இருந்த சம்பாய் சோரன் முதலமைச்சராக பதவியேற்றார். 5 மாதங்களாக சிறையில் இருந்த ஹேமந்த் சோரன், கடந்த மாதம் 28-ஆம் தேதி ஜாமினில் வெளியேவந்தார்.
இந்நிலையில், ராஞ்சியில் நடைபெற்ற கூட்டத்தில் ஜார்க்கண்ட் முக்தி மோர்ச்சா மற்றும் அம்மாநிலத்தின் இந்தியா கூட்டணி எம்.எல்.ஏக்கள் கலந்து கொண்டனர். இதில், சட்டப்பேரவைக் குழு தலைவராக ஹேமந்த் சோரன் தேர்வு செய்யப்பட்டார்.
nw_webstory_embed
இதனிடையே, ஜார்க்கண்ட் ஆளுநர் சி.பி.ராதாகிருஷ்ணனை சந்தித்து முதலமைச்சர் சம்பாய் சோரன் ராஜினாமா கடிதத்தை வழங்கினார். இதையடுத்து, முதலமைச்சராக மீண்டும் பதவியேற்க ஹேமந்த் சோரன் ஆளுநரிடம் உரிமை கோரியுள்ளதால், விரைவில் பதவியேற்பார் என எதிர்பார்க்கப்படுகிறது.
.
