17. பெருநகர சென்னை மாநகராட்சியின் 69 நடுநிலைப் பள்ளிகளில் மாதம் ரூ. 15,000-க்கும், 72 உயர்நிலை மற்றும் மேல்நிலைப் பள்ளிகளில் மாதம் ரூ. 18,000-க்கும் மொத்தம் 141 உடற்கல்வி ஆசிரியர்கள் ஒப்பந்த அடிப்படையில் பணியமர்த்தப்படுவார்கள். இதற்கென ரூ. 2.34 கோடி ஒதுக்கீடு செய்யப்படும்.
18. மேம்பாலங்கள், ரயில்வே மேம்பாலங்களின் கீழ் பகுதியினை அழகுபடுத்திட ரூ. 42 கோடி ஒதுக்கப்படும்.
19. பெருநகர சென்னை மாநகராட்சிக்குட்பட்ட 18 இடங்களில் உள்ள வாகனப் போக்குவரத்து சுரங்கப்பாதைகளில் மழைநீரை உடனுக்குடன் அகற்றுவதற்கு புதிய டீசல் மோட்டார்கள், மின்மோட்டார்கள், ஜெனரேட்டர்கள் அமைக்கவும், சுரங்கப்பாதைகளில் வரைபடங்கள் வரைந்து மின்விளக்குகளால் அழகுபடுத்தவும் ரூ. 14.40 கோடி ஒதுக்கப்படும்.
20. குப்பை கொட்டும் வளாகத்தில் நெகிழிகளைக் கொட்டுவதைத் தவிர்க்க ஏற்கெனவே 5 மண்டலங்களில் தலா 10 மெட்ரிக் டன் திறனுடன் இயங்கிவரும் நெகிழி சிப்பமாக்கல் மையங்களுடன், கூடுதலாக 10 மண்டலங்களில் (1, 3, 4, 8, 9, 10, 11, 12, 13, 15) தலா 10 மெட்ரிக் டன் திறன் கொண்ட நெகிழி சிப்பமாக்கல் மையங்கள் ரூ. 22.25 கோடி மதிப்பீட்டில் அமைக்கப்படும்.
21. பெருநகர சென்னை மாநகராட்சி பூங்காக்களில், சுய உதவிக் குழுக்களால் உணவு மையங்கள் அமைக்கப்படும்.
