ஹைதராபாத்: உடல்நலக் காரணங்களுக்காக கடந்த 3 வாரங்களாக சரியாக பணியில் செயல்படாமல் இருக்கும் தெலுங்கானா முதல்வர் கே.சந்திரசேகர் ராவ்வின் (கே.சி.ஆர்.)உடல்நிலை குறித்து தெரிவிக்கவேண்டும் என்று அம்மாநில பாஜக ஆளுநருக்கு கடிதம் எழுதியுள்ளது.
தெலுங்கானா ஒருங்கிணைப்பு தினத்தையொட்டி, ஹைதராபாத்தில் உள்ள பொதுத் தோட்டத்தில் தேசியக் கொடியை ஏற்றி, உரை நிகழ்த்திய போது, கடந்த செப்டம்பர் 17ஆம் தேதி, கே.சி.ஆர் பொதுத் கூட்டத்தில் கலந்து கொண்டார். அப்போதிருந்து, அவர் வைரஸ் காய்ச்சல் மற்றும் இருமலால் அவதிப்பட்டு வருவதாகவும், அதைத் தொடர்ந்து அவரது நுரையீரலில் இரண்டாம் நிலை பாக்டீரியா தொற்று இருப்பதாகவும் கூறப்படுகிறது.
அவரது மகனும் அமைச்சருமான கே.டி. சில உத்தியோகபூர்வ நிகழ்வுகளில் தனது தந்தையின் இடத்தை நிரப்பி வருகிறார்., இந்த காலகட்டத்தில் அவரது மகனே முதலமைச்சரின் உடல்நிலை மற்றும் இருப்பிடம் பற்றிய ஒரே ஆதாரமாக இருந்தார். உடல் நலக்குறைவு காரணமாக, கே.சி.ஆரின் மனைவி ஷோபா ராவ் செவ்வாய்கிழமை ஆந்திராவில் உள்ள திருமலை கோவிலுக்கு சென்று தரிசனம் செய்தார்.
முதல்வர் வராதது குறித்த அச்சத்தை எழுப்பிய பாஜக தலைவர் மர்ரி சசிதர் ரெட்டி, கேசிஆரின் உடல் நிலை மற்றும் சிகிச்சை குறித்து தெளிவுபடுத்தக் கோரி ஆளுநர் தமிழிசை சௌந்தரராஜனுக்கு கடிதம் எழுதியுள்ளார். கடந்த காலங்களில் மற்ற அரசியல் தலைவர்கள் தங்கள் உடல்நலப் பிரச்சினைகளை பொதுமக்களுக்கு தெரியாமல் மறைத்து வைத்திருந்ததற்கான உதாரணங்களை அவர் மேற்கோள் காட்டினார்.
“முதல்வரின் உடல்நிலை குறித்து ரகசியம் காக்கப்பட்டுள்ளது. அவருக்கு லேசான வைரஸ் தொற்று இருப்பது சில நாட்களுக்கு முன்பு தெரியவந்தது. நேற்று, திடீரென அவரது மகனும் அமைச்சருமான கே.டி.ஆரால், அவரது தந்தைக்கு நுரையீரலில் இரண்டாம் நிலை (பாக்டீரியா) தொற்று இருப்பதாகத் தெரிவிக்கப்பட்டது,” என்று தெலுங்கானா பாஜக தேர்தல் ஆணைய விவகாரக் குழுவின் தலைவர் ரெட்டி சனிக்கிழமை கடிதத்தில் தெரிவித்துள்ளார்.
அத்தகைய உயர் பதவியில் இருக்கும் ஒருவருக்கு நோய்வாய்ப்பட்ட சந்தர்ப்பங்கள் ஏற்படும் போதெல்லாம், மருத்துவமனை அதிகாரிகளாலும், மாநில சுகாதார அதிகாரிகளாலும் வழக்கமான சுகாதார அறிவிப்புகள் வெளியிடப்பட்டன என்று அந்தக் கடிதம் மேலும் கூறுகிறது.
அக்கடிதத்தில் தமிழக முன்னாள் முதல்வர் ஜெ.ஜெயலலிதாவின் உதாரணம் காட்டி , “ஜெ.ஜெயலலிதாவின் உடல்நிலை முற்றிலும் ரகசியமாக வைக்கப்பட்டது, மேலும் வி.கே. சசிகலா மீதும் பல்வேறு சந்தேகங்களை எழுந்தது. எனவே ஜெயலலிதா போல் அல்லாமல் KCR-இன் உடல்நிலையை மக்களுக்கு அவ்வப்போது தெரிவிக்கவேண்டும் என்று கோரிக்கை வைக்கப்பட்டுள்ளது.
