கிரிக்கெட் சங்க ஊழல்: பரூக் அப்துல்லாவுக்கு அமலாக்கத்துறை சம்மன்..

ஜம்மு-காஷ்மீர் முன்னாள் முதல்வரும், தேசியமாநாட்டு கட்சி மூத்த தலைவருமான பரூக் அப்துல்லா, இவர் தனது பதவி காலத்தில் ஜம்மு-காஷ்மீர் கிரிக்கெட் சங்க நிர்வாகத்தில் முக்கிய பொறுப்பிலிருந்த போது பல்வேறு நிதி முறைகேடும் நடந்ததாக புகார் எழுந்தது. இதுதொடர்பாக அமலாக்கத்துறை வழக்குப்பதிவு செய்தது. இதில் சங்க நிதியை தனது வங்கி கணக்கில் வரவு வைத்ததாக தெரியவந்தது. இது தொடர்பாக நடந்துள்ள பணமோசடி வழக்கில், பரூக் அப்துல்லாவிற்கு கடந்த ஜன.11ல் ஆஜராக சம்மன் அனுப்பியது. பரூக் அப்துல்லா ஆஜராகவில்லை. இதையடுத்து ஸ்ரீநகரில் உள்ள அமலாக்கத்துறை அலுவலகத்தில் நாளை (பிப்.13) ஆஜராக இரண்டாவது சம்மன் அனுப்பியுள்ளது.