மலை மாவட்டமான நீலகிரியில் வாழ்ந்து வரும் மக்கள் பெரும்பாலும் அரசு மருத்துவமனைகளை மட்டுமே நம்பியுள்ளனர். பழங்குடிகள், தோட்டத் தொழிலாளர்களுடன் தற்போது வடமாநில தொழிலாளர்களும் அரசு மருத்துவமனைகளை அதிகளவில் சார்ந்துள்ளனர்.
கோத்தகிரி பேருந்து நிலையம் எதிரில் உள்ள வட்டார அரசு மருத்துவமனையில் நாள்தோறும் நூற்றுக்கணக்கான உள் மற்றும் வெளி நோயாளிகள் சிகிச்சை பெற்று வருகின்றனர். நோயாளிக்கான சிகிச்சை வசதிகளை மேம்படுத்தும் நோக்கில் 3 கோடி ரூபாயில் இந்த மருத்துவமனை அண்மையில் நவீனப்படுத்தப்பட்டது.
