இந்தியாவில் ஜிஎஸ்டி-ஐ எதிர்த்த ஒரே முதல்வர் யார் தெரியுமா? – ஜெய்ராம் ரமேஷ் சுவாரஸ்ய பதில்! | இந்தியா

இந்த மாற்றம் இன்று முதல் அமலுக்கு வந்துள்ளது. இதனால், பல்வேறு பொருட்களின் விலை குறைந்துள்ளது. மேலும், இது தொடர்பாக நேற்று (21ஆம் தேதி) பிரதமர் நரேந்திர மோடி நாட்டு மக்களிடையே உரையாற்றி ஜிஎஸ்டி குறைப்பு நவராத்திரி பண்டிகை கால பரிசு எனத் தெரிவித்தார்.

இந்நிலையில், இந்தியாவில் ஜிஎஸ்டி-ஐ ஒரு மாநில முதலமைச்சர் கடுமையாக எதிர்த்தார். பின்னர் அவரே அதனை செயல்படுத்தினார் என காங்கிரஸ் கட்சியின் மூத்த தலைவரும், மாநிலங்களவை எம்.பி.யுமான ஜெய்ராம் ரமேஷ் தெரிவித்துள்ளார்.

ஏ.என்.ஐ செய்தி நிறுவனத்திற்கு ஜிஎஸ்டி மறுசீரமைப்பு தொடர்பாக பேட்டி அளித்துள்ள காங்கிரஸ் மூத்த தலைவர் ஜெய்ராம் ரமேஷ் எம்.பி., ”2006 முதல் – 2014ஆம் ஆண்டு வரையிலான எட்டு ஆண்டுகளாக, ஒரே ஒரு முதல்வர் மட்டுமே ஜிஎஸ்டியை எதிர்த்தார். அந்த முதல்வர் 2014 இல் பிரதமரானார், பின்னர் தலைகீழாக மாறி 2017 இல் ஜிஎஸ்டியின் மீட்பராக உருவெடுத்தார்.

ஜிஎஸ்டி-யில் சமீபத்திய சீர்திருத்தங்கள் குறைவாகவே உள்ளன. சிறு குறுத் துறையின் நடைமுறை சிக்கல்களை எளிதாக்க வேண்டிய அவசியம் நிறைவேற்றப்படவில்லை. மாநில அரசுகள் தங்களுக்கு ஐந்து ஆண்டு இழப்பீட்டுத் தொகுப்பை வழங்க வேண்டும் என்ற கோரிக்கை குறித்து பிரதமர் எதுவும் கூறவில்லை. பல பிரச்சினைகள் தீர்க்கப்பட வேண்டும்.

அதன்பின்னர், 2010 ஆம் ஆண்டு, நாடாளுமன்றத்தில் அது மசோதாவாக சமர்ப்பிக்கப்பட்டது. பின்னர் நாடாளுமன்ற நிலைக்குழுவுக்கு அந்த மசோதா அனுப்பப்பட்டது. அது இரண்டரை ஆண்டுகளாக, அப்போதைய பாஜக தலைவர் யஷ்வந்த் சின்ஹா ​​தலைமையிலான நிலைக்குழுவிடம் இருந்தது” எனத் தெரிவித்துள்ளார்.