நாகையில் அடிப்படை வசதிகள் இல்லை என்று விஜய் பேசியதைக் கண்டித்திருக்கும் குறித்து விடுதலை சிறுத்தைகள் கட்சியின் துணை பொதுச் செயலாளரும், நாகை சட்டமன்ற உறுப்பினருமான ஆளூர் ஷாநவாஸ், “தமிழக வெற்றிக் கழகத் தலைவர் விஜய்க்கு பத்திரிகையாளர்களைச் சந்திக்க துணிச்சல் இல்லை. உண்மைக்கு புறம்பான பொய்களை விஜய் பரப்பி வருகிறார். நாகையில் முழுக்க முழுக்க பொய் பிரசாரம் மேற்கொண்டு உள்ளார். தொடர்ந்து விஜய் பொய் கூறினால் மக்களால் நிராகரிக்கப்படும் நிலை உருவாகும். தமிழக ஆளுநர் ரவி மற்றும் அண்ணாமலை இடத்தை விஜய் நிரப்பியுள்ளார்.
விஜய் சொல்வது பொய்யான தகவல்கள்
அரசின் திட்டங்கள் உள்ளிட்டவை குறித்து உண்மையான தகவலை தெரிவிக்காமல், பொய்யான தகவல்களை விஜய் கூறி வருகிறார். இது நீடிக்காது. உண்மையிலேயே மக்களுக்கு என்ன தேவை என்பதன் அடிப்படையில் விஜய் நாகரிக அரசியல் செய்ய வேண்டும். புதிதாக கட்சி ஆரம்பித்துள்ள விஜய் தமிழகத்தில் இருக்கும் அனைத்து கட்சிகளையும் விமர்சிக்காமல், திமுகவை மட்டும் விமர்சித்து வருகிறார். அவர் மத்திய அரசின் மீதும் கூட பெரியளவில் விமர்சனம் வைக்கவில்லை. இதனால், அவருக்கு யாரோ அஜெண்டா கொடுத்தது போல தெரிகிறது.
பத்திரிகையாளர்களை சந்திக்க தைரியம் இருக்கிறதா
விஜய்க்கு பத்திரிகையாளர்களைச் சந்திக்க தைரியம் இருக்கிறதா?
மக்களின் பிரச்னைகளை மையமாகக் கொண்டு விஜய் பேசியிருந்தால், நாகப்பட்டினத்தில் பொய் பரப்புரையே மேற்கொண்டு இருக்க மாட்டார். நாகப்பட்டினம் மக்களின் நிறைவேறாத கோரிக்கை குறித்து பேசியிருந்தால் அந்த மக்கள் நமது கோரிக்கைகளை பேசியுள்ளார் என்ற எண்ணம் எழுந்திருக்கும். சினிமாவின் கவர்ச்சியால் விஜய்க்கு கூட்டம் கூடியுள்ளது” என்று பேசியிருக்கிறார் ஆளூர் ஷாநவாஸ்.
