நடிகர் தனுஷ் இயக்கி நடிக்கும் இட்லி கடை படத்தின் வெளியீட்டுத் தேதி அறிவிப்பு வெளியாகியுள்ளது.
ராயன் படத்தை இயக்கி நடித்த நடிகர் தனுஷ், அந்தப் படத்தின் வெற்றிக்குப் பின்னர் நிலவுக்கு என்மேல் என்னடி கோபம் படத்தை இயக்கினார். இந்தப் படம் பெரிதாக வரவேற்பைப் பெறவில்லை.
இந்த நிலையில், தனுஷ் தனது அடுத்த படமாக இட்லி கடை படத்தை இயக்கி நடித்து வருகிறார்.
இந்தப் படத்தில் நடிகர்கள் அருண் விஜய், நித்யா மெனன், பிரகாஷ் ராஜ், ராஜ் கிரண் உள்ளிட்டோர் நடிக்கின்றனர். இட்லி கடை படப்பிடிப்பு தீவிரமாக நடைபெற்று வரும் நிலையில் படம் ஏப்ரல் 10 வெளியாகும் என முன்னர் அறிவிக்கப்பட்டது.
ஆனால், அஜித்குமார் நடிக்கும் குட் பேட் அக்லி திரைப்படமும் அதேநாளில் வெளியாவதாக அறிவிப்பு வெளியானதைத் தொடர்ந்து இட்லி கடை வெளியீட்டில் மாற்றம் ஏற்படும் என தகவல்கள் வெளியாகின.
இதனைத் தொடர்ந்து, படத்தின் வெளியீடு பற்றிய அறிவிப்பை தயாரிப்பு நிறுவனம் இன்று வெளியிட்டுள்ளது.
வருகிற அக்டோபர் 1 அன்று இட்லி கடை வெளியாகும் என அதிகாரப்பூர்வமாக அறிவிக்கப்பட்டுள்ளது.
இதற்கு முன்னதாக, தெலுங்கு பட இயக்குநர் சேகர் கம்முலா இயக்கத்தில் நாகார்ஜுனாவுடன் இணைந்து தனுஷ் நடித்த குபேரா திரைப்படம் ஜூன் 20 திரைக்கு வரவுள்ளது.
See you soon in theatres#Idlykadai – Releasing worldwide on October 1
Written and directed by @dhanushkraja@arunvijayno1 @RedGiantMovies_ @gvprakash @menennithya @aakashbaskaran @thesreyas @wunderbarfilms @MShenbagamoort3 @kavya_sriram@Kiran10koushik @editor_prasanna… pic.twitter.com/yJ2VNvTS2t
— DawnPictures (@DawnPicturesOff) April 4, 2025
