Last Updated:
தில்லி சட்டமன்றத் தேர்தலில் 2008-ல் காங்கிரஸ் வெற்றி, 2013-ல் ஆம் ஆத்மி கட்சி உருவாக்கம், 2015-ல் மாபெரும் வெற்றி, 2020-ல் மீண்டும் வெற்றி. தற்போதைய தேர்தல் முடிவுகள் முக்கியம்.
தில்லி சட்டமன்றத் தேர்தல் நடந்து வரும் நிலையில், கடந்த கால தேர்தல் முடிவுகளை ஆராய்வது முக்கியமானது. 2008 ஆம் ஆண்டு நடைபெற்ற சட்டமன்றத் தேர்தலில், காங்கிரஸ் கட்சி ஆட்சியில் இருந்தது. தொடர்ந்து இரண்டாவது முறையாக ஆட்சியைத் தக்கவைத்துக் கொண்ட காங்கிரஸ், கடும் போட்டிக்கு இடையே 43 இடங்களில் வெற்றி பெற்று ஆட்சியமைத்தது. பாரதிய ஜனதா கட்சி 24 இடங்களைப் பிடித்து இரண்டாவது இடத்தைப் பிடித்தது.
2012 ஆம் ஆண்டு ஆம் ஆத்மி கட்சி தொடங்கப்பட்டது. 2010-11 காலகட்டத்தில் காங்கிரஸ் ஆட்சியின் மீதான ஊழல் குற்றச்சாட்டுகளும், அதைத் தொடர்ந்து அரவிந்த் கெஜ்ரிவால் உள்ளிட்டோர் முன்னெடுத்த போராட்டங்களும் நாடு முழுவதும் பெரும் பரபரப்பை ஏற்படுத்தின. இதன் விளைவாக 2013 ஆம் ஆண்டு நடைபெற்ற சட்டமன்றத் தேர்தலில் ஆம் ஆத்மி கட்சி 28 இடங்களைப் பிடித்து அரசியல் களத்தில் புதிய சக்தியாக உருவெடுத்தது. காங்கிரஸின் ஆதரவைப் பெற மறுத்த அரவிந்த் கெஜ்ரிவால் தலைமையில் ஆட்சி அமைந்தாலும், குறுகிய காலத்திலேயே அது கலைந்தது.
ஒரு வருட குடியரசுத் தலைவர் ஆட்சிக்குப் பிறகு 2015 ஆம் ஆண்டு நடைபெற்ற தேர்தலில், ஆம் ஆத்மி கட்சி 67 இடங்களில் மாபெரும் வெற்றி பெற்று ஆட்சியமைத்தது. பாரதிய ஜனதா கட்சி வெறும் மூன்று இடங்களை மட்டுமே கைப்பற்றியது. இந்த வெற்றி, தில்லியில் காங்கிரஸ் மற்றும் பாஜகவிற்கான அரசியல் வாய்ப்புகள் குறைந்து வருவதையே காட்டியது.
2020 ஆம் ஆண்டு நடைபெற்ற தேர்தலிலும் ஆம் ஆத்மி கட்சி தனது வெற்றியைத் தக்க வைத்துக் கொண்டு 62 இடங்களில் வெற்றி பெற்றது. பாரதிய ஜனதா கூட்டணி எட்டு இடங்களை மட்டுமே கைப்பற்றியது. ஆனால், நாடாளுமன்றத் தேர்தலில் பாஜக தில்லியில் உள்ள ஏழு தொகுதிகளிலும் வெற்றி பெற்று ஆதிக்கம் செலுத்தியது.
இதையும் படிக்க: பிறந்த குழந்தையின் வயிற்றில் கரு வளர்ந்த அதிசயம்.. 2 உயிர்களும் காப்பாற்றப்பட்டதா?
தற்போது தில்லி சட்டமன்றத் தேர்தல் களம் மும்முனைப் போட்டியாக மாறியுள்ளது. தேர்தல் முடிவுகள் அரசியல் கட்சிகளின் எதிர்காலத்தை தீர்மானிப்பதில் முக்கிய பங்கு வகிக்கும் என்பதால், தேர்தல் முடிவுகள் பெரும் எதிர்பார்ப்பை ஏற்படுத்தியுள்ளன.
February 05, 2025 11:47 AM IST
