சமையல் எரிவாயு சிலிண்டர் இணைப்பு இல்லாத வீடுகளே இல்லை என்று சொல்லும் அளவிற்கு தற்போது அனைத்து வீடுகளிலும் சிலிண்டர் எரிவாயுவின் பயன்பாடு தவிர்க்க முடியாததாகி விட்டது.
இந்தியன் ஆயில், பார்த் மற்றும் இந்துஸ்தான் பெட்ரோலியம் ஆகியவை சமையல் எரிவாயு சிலிண்டர்களை வீடுகளுக்கு விநியோகம் செய்து வருகின்றன.
நாடு முழுவதும் வறுமை கோட்டிற்கு கீழ் வசிக்கும் மக்களுக்கு இலவசமாக எரிவாயு இணைப்பு வழங்கும் நோக்கத்தோடு, பிரதான் மந்திரி உஜ்வாலா யோஜனா திட்டம் 2016-ல் தொடங்கப்பட்டது.
தற்போது தமிழகத்தில் 41 லட்சம் இலவச பயனாளிகள் உள்ளனர். இவர்களோடு சேர்த்து சிலிண்டர் இணைப்பு பெற்றுள்ள வாடிக்கையாளர்கள் மொத்தம் 2.33 கோடி பேர் உள்ளனர்.
இந்நிலையில் சமையல் எரிவாயு இணைப்பை பெற்றுள்ள வாடிக்கையாளர்களின் உண்மைத்தன்மையைச் சரிபார்க்கும் வேலைகள் தொடங்கப்பட்டுள்ளன. இதற்காக வாடிக்கையாளரின் கைவிரல் ரேகையை பதிவு செய்யும் பணியை நிறுவனங்கள் தொடங்கி இருக்கின்றன.
