இது குறித்து உத்தரப்பிரதேச காங்கிரஸ் பொறுப்பாளர் அவினாஷ் பாண்டே கூறுகையில்,”‘ஹரியானா தேர்தல் முடிவுகள் நாங்கள் எதிர்பார்த்தபடி இல்லாததால் எங்கள் கட்சியின் தொண்டர்கள், தலைவர்கள் ஏமாற்றம் அடைவது இயற்கைதான். ஆனால் உத்தரப்பிரதேசத்தில் உள்ள கொடூர ஆட்சி அகற்றப்படவேண்டும் என்பதில் உறுதியாக இருக்கிறோம். உத்தரப்பிரதேச இடைத்தேர்தலுக்கான தொகுதி பங்கீடு பேச்சுவார்த்தை நடந்து கொண்டிருக்கிறது. சரியான நேரத்தில் அதற்கு தீர்வு காணப்படும். இது பெரிய பிரச்னை கிடையாது”என்றார்.
மாநில காங்கிரஸ் தலைவர் அஜய் ராய் இது குறித்து கூறுகையில்,”இடைத்தேர்தலில் 5 தொகுதியில் போட்டியிட விருப்பம் தெரிவித்துள்ளோம். ஆனால் ஹரியானா சட்டமன்ற தேர்தல் முடிவுகளால் காங்கிரஸ் கேட்ட இரண்டு தொகுதிகள் உட்பட 6 தொகுதிகளில் போட்டியிட சமாஜ்வாடி திட்டமிட்டுள்ளது. ஹரியானாவில் அதிகப்படியான நம்பிக்கை காரணமாகவே தோற்றோம்.
ஆனால் உத்தரப்பிரதேசத்தில் நாங்கள் களத்தில் இறங்கி தீவிரமாக பணியாற்றுகிறோம். காங்கிரஸ் சமாஜ்வாடி கட்சியுடன் சேர்ந்து பா.ஜ.கவை எதிர்த்து வெற்றி பெறும். காட்டாட்சியை முடிவுக்கு கொண்டு வருவதுதான் இரண்டு கட்சிகளின் நோக்கம்”என்றார். காங்கிரஸ் கட்சிக்கு மீராப்பூர் மற்றும் கெய்ர் தொகுதிகளை சமாஜ்வாடி கட்சி ஒதுக்கும் என்று தெரிகிறது. இத்தொகுதியில் இதற்கு முன்பு சமாஜ்வாடி கட்சி பெரிய அளவில் வெற்றி பெறவில்லை. அதோடு தற்போது இருக்கும் கூட்டணியில் எந்தவித சிக்கலும் வந்துவிடக்கூடாது என்று அகிலேஷ் யாதவ் நினைப்பதாக அரசியல் நோக்கர்கள் தெரிவித்துள்ளனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/2b963ppb
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/2b963ppb
