புதுடில்லி: காங்கிரஸ் எப்போதும் ஊழலை ஆதரிக்கிறது என மத்திய அமைச்சர் கிஷன் ரெட்டி குற்றம் சாட்டியுள்ளார்.
இது குறித்து கிஷன் ரெட்டி நிருபர்களுக்கு அளித்த பேட்டி: ராகுலின் நெருங்கிய நண்பரும், காங்கிரசின் ராஜ்யசபா எம்.பி.,யுமான தீரஜ் சாஹூவின் அலுவலகங்களில் இருந்து, சுமார் 200 கோடி ரூபாய் வருமான வரித்துறை கைப்பற்றியது. திரஜ் சாஹூவுக்கு எதிரான வருமான வரித்துறை சோதனைகள் குறித்து எதுவும் கேட்காமல் ராகுல் ஏன் அமைதியாக இருக்கிறார் என்று நான் கேட்க விரும்புகிறேன்.
இதைப் பற்றி ராகுல் ஏன் சமூக வலைதளங்களில் எதுவும் பதிவிடவில்லை? ஏனென்றால் காங்கிரஸ் எப்போதும் ஊழலை ஆதரிக்கிறது. நீங்கள் எப்போதும் வருமான வரித்துறையை விமர்சிக்கிறீர்கள். ஆனால் இப்போது ஏன் அமைதியாக இருக்கிறீர்கள்?. இவ்வாறு பல்வேறு கேள்விகளை கிஷன் ரெட்டி எழுப்பி உள்ளார்.
