கோவை மாவட்டம், மேற்கு தொடர்ச்சி மலை அடிவாரத்தில் யானை, காட்டு மாடு, சிறுத்தை உள்ளிட்ட வனவிலங்குகளின் நடமாட்டம் அதிகம் இருக்கும். தொண்டாமுத்தூர் சுற்றுவட்டார பகுதிகளில் சுமார் 40 வயது மதிக்கத்தக்க ஆண் காட்டு யானை விளை நிலங்கள், வீடுகளை சேதப்படுத்துவதாக புகார் எழுந்தது.
அந்த யானைக்கு உள்ளூர் மக்கள் ‘ரோலக்ஸ்’ என்று பெயரிட்டனர். இந்த யானையால் மனித உயிர்களுக்கு சேதங்களும் ஏற்பட்டதால், அதை பிடிக்க சொல்லி விவசாயிகளும், பொது மக்களும் போராட்டத்தில் ஈடுபட்டனர்.
