மதுரையில் இந்து முன்னணி சார்பில் நேற்று `முருக பக்தர்கள் மாநாடு” நடைபெற்றது.
இந்து முன்னணி மாநில தலைவர் காடேஷ்வரா சுப்பிரமணியம் தலைமையில் நடைபெற்ற மாநாட்டில், ஆந்திரா துணை முதல்வர் பவன் கல்யாண், பா.ஜ.க சார்பில் மத்திய அமைச்சர் எல்.முருகன், மாநில தலைவர் நயினார் நாகேந்திரன், முன்னாள் மாநில தலைவர் அண்ணாமலை மற்றும் அ.தி.மு.க சார்பில் முன்னாள் அமைச்சர்களான செல்லூர் ராஜு, ராஜேந்திர பாலாஜி உள்ளிட்டோர் கலந்துகொண்டனர்.
மேலும், இந்த மாநாட்டில் பேசிய பவன் கல்யாண், “முருகனின் அவதாரம் முத்துராமலிங்க தேவர். உலகின் முதல் புரட்சித்தலைவர் முருகப்பெருமான்.
கருப்பு நிறத்தை வைத்து அரசியல் செய்யும் கூட்டம் முருகரை கந்தசஷ்டி கவசத்தைக் கிண்டல் செய்தனர்.
இந்துக்கள் ஒற்றுமையாக இருந்து போராடினால் வெற்றி பெறலாம்.” என அரசியல் பேசினார்.
மேலும், இந்த மாநாட்டில் வீடியோ ஒன்று ஒளிபரப்பட்டிருந்தது.
இந்த நிலையில், தி.மு.க-வின் கழக அமைப்புச் செயலாளர் ஆர்.எஸ். பாரதி, அதிமுகவை விமர்சித்து அறிக்கை வெளியிட்டிருக்கிறார்.
