கள்ளக்குறிச்சி மாவட்ட நிர்வாகம் ஒட்டுமொத்தமாக மாற்றப்பட்ட நிலையில், புதிய ஆட்சியராக எம்.எஸ்.பிரசாந்த், புதிய காவல் கண்காணிப்பாளராக ரஜத் சதுர்வேதி ஆகியோர் நியமனம் செய்யப்பட்டுள்ளனர்.
இந்த நிலையில், கள்ளக்குறிச்சி கள்ளச்சாராயத்துக்கு உயிரிழந்தோரின் எண்ணிக்கை 32 ஆக அதிகரித்துள்ள நிலையில், கள்ளச்சாராய உயிரிழப்பு தொடர்பாக முதல்வர் மு.க.ஸ்டாலின் வியாழக்கிழமை தலைமைச் செயலகத்தில் அவசர அலோசனை நடத்த இருப்பதாக தகவல் வெளியாகியுள்ளது.
சட்டப்பேரவையில் இன்றைய அலுவல்கள் முடிந்தவுடன் தலைமைச் செயலகத்தில் ஆலோசனை நடைபெறுகிறது.
அவசர அலோசனை கூட்டத்தில் மூத்த அமைச்சர்கள் எ.வ.வேலு, பொன்முடி, முத்துசாமி உள்ளிட்டோர் மற்றும் காவல்துறை டிஜிசி, உளவுத்துறை ஐஜி, மதுவிலக்கு அமலாக்கத்துறை அதிகாரிகளும் பங்கேற்க உள்ளதாக தகவல் வெளியாகியுள்ளது.
