சென்னையை சேர்ந்த பொறியியல் பட்டதாரியான என்.முருகானந்தம் 1991 ஆம் ஆண்டு தமிழ்நாடு பிரிவு ஐஏஎஸ் அதிகாரியாக தேர்வானார். 2001 முதல் 2004 ஆம் ஆண்டு வரை கோவை மாவட்ட ஆட்சியராக பணியாற்றிய அவர், ஊரக வளர்ச்சித் துறை இணைச் செயலாளர், தொழிற்துறை செயலாளர், நிதித்துறை செயலாளர் உள்ளிட்ட பல பொறுப்புகளில் பணியாற்றியுள்ளார்.
மு.க.ஸ்டாலின் தலைமையிலான திமுக அரசின் முதல் பட்ஜெட் தயாரிப்பில் நிதித்துறை செயலாளராக முருகானந்தம் முக்கிய பங்களிப்பை அளித்திருந்தார்.
கடந்த ஆண்டு மே மாதம் முதலமைச்சரின் முதன்மைச் செயலராக இருந்த உதயச்சந்திரன் நிதித் துறைச் செயலராக மாற்றப்பட்ட போது, நிதித்துறைச் செயலராக இருந்த என்.முருகானந்தம் முதலமைச்சரின் முதன்மை தனிச் செயலாளராக நியமிக்கப்பட்டார். இந்நிலையில், தமிழ்நாட்டின் புதிய தலைமைச் செயலாளராக முருகானந்தம் அறிவிக்கப்பட்டுள்ளார்.
