புதிதாக 100 BSVI பேருந்துகள் இன்று துவக்கம் – 2 மாதங்களில் 1500 பேருந்துகள் துவக்கப்படும்.. முதல்வர் ஸ்டாலின்.

அதிகரித்து வரும் போக்குவரத்துத் தேவைக்கேற்ப புதிதாக 1,000 பேருந்துகள் கொள்முதல் செய்யப்படும் எனக் கடந்த 19.10.2022 அன்று சட்டப்பேரவையில் 110-விதியின்கீழ் முதல்வர் அறிவித்தார்.

அதன்படி, ரூ.634.99 கோடி மதிப்பீட்டில் புதிதாக 1,666 BSVI பேருந்துகளைக் கொள்முதல் செய்து இயக்க நடவடிக்கை எடுக்கப்பட்டு வந்தது. அதன் முதற்கட்டமாக இன்று 100 புதிய பேருந்துகளைத் முதல்வர் தொடங்கி வைத்தார்.

எஞ்சியுள்ள பேருந்துகள் அடுத்த இரண்டு மாதங்களில் பயன்பாட்டிற்குக் கொண்டுவரப்படும். பொதுமக்கள் தங்கள் வீட்டின் சொந்த வாகனங்களில் பயணிப்பதைப் போன்று பொதுப் போக்குவரத்துகளைத் தூய்மையாகப் பராமரிக்க வேண்டும் என்று முதல்வர் கேட்டுக்கொண்டார்.