உக்ரைனுக்கு எதிரான ரஷியாவின் போரை விமர்சித்த ரஷிய சமையல்காரர் மர்மமான முறையில் உயிரிழந்து கிடந்தார்.
ரஷியாவுக்கும் உக்ரைனுக்கும் இடையில் 2022 ஆம் ஆண்டிலிருந்து போர் நடைபெற்று வருகிறது. இந்த நிலையில், உக்ரைன் மீதான ரஷியாவின் போருக்கு எதிராக, அதிபர் விளாதிமீர் புதினை ரஷிய சமையல் கலைஞர் அலெக்ஸி ஜிமின் விமர்சித்திருந்தார்.
இவர், ரஷிய தொலைக்காட்சி நிறுவனத்தில் சமையல் கலைஞராக பணிபுரிந்து வந்தார். ஆனால், ரஷிய அதிபரை விமர்சித்ததையடுத்து, அவர் தொகுத்து வழங்கிய சமையல் நிகழ்ச்சி ரத்து செய்யப்பட்டது.
இதனைத் தொடர்ந்து, அவர் இங்கிலாந்தில் சமையல் கலைஞராக வேலைபார்த்து வந்தார். இங்கிலாந்துக்கு சென்றதிலிருந்து, அவர் ரஷியாவுக்கு திரும்பவில்லை என்றும் கூறப்படுகிறது.
