கல்வி, இலக்கியம், மருத்துவம், கலை, விளையாட்டு, சமூகப்பணி உள்ளிட்ட பல்வேறு துறைகளில் சிறந்து விளங்குபவர்கள், சாதனையாளர்கள், சேவை செய்பவர்ககளுக்கு ஆண்டுதோறும் பத்ம ஸ்ரீ, பத்ம பூஷன், பத்ம விபூஷண் விருதுகளை வழங்கி கவுரவித்து வரும் மத்திய அரசு, இந்தாண்டுக்கான பத்ம விருதுகள் பெறும் நபர்களின் பட்டியலை வெளியிட்டிருக்கிறது.
76-வது குடியரசு தினத்தை முன்னிட்டு வெளியிடப்பட்டிருக்கும் இந்தப் பட்டியலில், தமிழ்நாட்டைச் சேர்ந்த பறையிசைக் கலைஞர் வேலு ஆசான், சுழற்பந்துவீச்சாளர் அஷ்வின், நடிகர் அஜித் உட்பட என 139 பேருக்கு பத்ம விருதுகள் அறிவிக்கப்பட்டிருக்கிறது.
வேலு ஆசான் – மதுரை அலங்காநல்லூரைச் சேர்ந்த பறையிசைக் கலைஞர்.
தட்சணாமூர்த்தி – 50 ஆண்டுகளுக்கும் மேலாக தவில் இசையுலகில் செயல்பட்டு வரும் புதுச்சேரியைச் சேர்ந்த தவில் இசைக் கலைஞர்.
பீம் சிங் பவேஷ் – நயீ ஆஷா என்ற அறக்கட்டளையின் மூலம் 22 ஆண்டுகளாக, முசாஹர் என்ற பட்டியலினச் சமூக மக்களுக்கு உதவி வரும் சமூக சேவகர்.
ஹர்விந்தர் சிங் – 2024 பாரா ஒலிம்பிக்கில் வில்வித்தைப் போட்டியில் தங்கம் வென்றவர்.
நீர்ஜா பட்லா – கர்ப்பப்பை வாய்ப் புற்றுநோயைக் கண்டறிதல் மற்றும் தடுப்பதில் நிபுணத்துவம் பெற்ற டெல்லியைச் சேர்ந்த மகப்பேறு மருத்துவர்.
