ஆனால், அதை அவர்கள் ஏற்க மறுத்ததால், தூதரக ரீதியான நடவடிக்கைகளை மேற்கொள்ள வேண்டியிருந்தது. இந்தியா, திசை திருப்பும் அறிக்கைகளை வெளியிடுவதை விட்டுவிட்டு, விசாரணைக்கு ஒத்துழைக்க வேண்டும். இந்திய வெளியுறவுத்துறை அதிகாரிகளோ, `ஜஸ்டின் ட்ரூடோவின் லிபரல் கட்சி, எதிர்வரும் தேர்தலில் தோல்வியடையும் நிலையில் இருக்கிறது. எனவேதான், கனடாவில் ஆதிக்கம் செலுத்தும் சீக்கியர்களை தனது வாக்கு வங்கியாக மாற்றிக்கொள்ள இப்படி அரசியல் நாடகமாடுகிறார். ஆனால், 2025 தேர்தலில் நிச்சயம் அவர் தோல்வியடைவார். பின்னர், இந்தியா – கனடா உறவு மீண்டும் மேம்படத் தொடங்கும்’ எனக் கூறிவருகிறார்கள்.
கனட அரசியலில் தலையிடும் இந்திய தூதர்கள் மீது கடுமையான தடைகளை கொண்டு வர வேண்டும். இந்தியாவை தளமாக கொண்டு, கனடாவிலும் பிற நாடுகளிலும் செயல்படும் பயங்கரவாத அமைப்பான ஆர்.எஸ்.எஸ்-ஐ வெளியேற்ற வேண்டும். கனேடியர்களை கொல்வதற்கு இந்திய தூதர்கள் கிரிமினல் குழுக்களை பணியமர்த்துவதாக ராயல் கனடியன் மவுண்டட் போலீஸ் (RCMP) கூறியுள்ளது. நாம் அனைவரும் கனேடியத் தலைவர்களாக ஒன்றிணைந்து, மோடியைக் கண்டிக்க வேண்டும். கனேடியர்களின் பாதுகாப்பை முதன்மையாக்க வேண்டும்” எனக் குறிப்பிட்டார்.
