இலங்கையில் இஸ்லாத்தை அவமானமாக பேசியதற்காகவும் மதவெறுப்பை தூண்டியதற்காகவும் புத்த துறவிக்கு சிறைத் தண்டனை வழங்கப்பட்டுள்ளது.
இலங்கையின் மூத்த புத்த துறவியும் சிங்கலீஸ் புத்திஸ்த் நேஷனல் கட்சி தலைவருமான கலகோடாட்டே ஞானசறா, கடந்த 2016 ஆம் ஆண்டு பத்திரிக்கையாளர்கள் சந்திப்பின்போது இஸ்லாமிய மதம் குறித்து தகாத வார்த்தைகளை பேசி, வெறுப்புணர்வை தூண்டினார். இதற்காக, கடந்த 2024 டிசம்பரில் அவர் கைது செய்யப்பட்டார்.
இந்நிலையில், அந்நாட்டு நீதிமன்றம் நேற்று (ஜன.9) அவருக்கு 9 மாதம் சிறைத் தண்டனை வழங்கியுள்ளது. மேலும், அவருக்கு இந்திய மதிப்பில் சுமார் ரூ.5,130.45 அபராதமும் விதிக்கப்பட்டுள்ளது. அந்த அபராத தொகையைக் கட்டவில்லை என்றால் சிறைத் தண்டனையில் மேலும் 1 மாதம் அதிகரிக்கக் கூடும் என அவருக்கு எச்சரிக்கை விடுக்கப்பட்டுள்ளது.
இதனைத் தொடர்ந்து, அவர் ஜாமீன் கேட்டு மேல்முறையீடு செய்தார் அதனை ரத்து செய்த நீதிமன்றம் அவரது தண்டனையை உறுதி செய்தது.
இதையும் படிக்க: உலகின் சக்திவாய்ந்த கடவுச்சீட்டுகளின் பட்டியல்! இந்தியா சறுக்கல்!
