சமீபத்தில் தமிழக பாஜக கட்சியில் பொறுப்புகள் மாற்றம் செய்யப்பட்டு, 25 பதவிகளுக்கு புதிய நிர்வாகிகள் நியமிக்கப்பட்டனர். மாநிலத் தலைவர் நயினார் நாகேந்திரன் இப்பட்டியலை வெளியிட்டிருந்தார்.
அதில், நடிகை குஷ்பூ உள்ளிட்ட 14 பேர் மாநிலத் துணைத் தலைவர்களாகவும், கராத்தே தியாகராஜன் உள்ளிட்ட 15 பேர் மாநிலச் செயலாளர்களாகவும் நியமிக்கப்பட்டுள்ளனர். நயினார் நாகேந்திரனின் மகன் ஶ்ரீ நயினார் பாலாஜிக்கும் நெல்லை வடக்கில் விளையாட்டு மற்றும் திறன் மேம்பாட்டுக்கான பிரிவில் பொறுப்பு வழங்கப்பட்டுள்ளது.
ஆனால், எம்.எல்.ஏ. பதவியை ராஜினாமா செய்து பா.ஜ.க.வில் இணைந்த விஜயதரணிக்கு எந்தப் பதவியும் கிடைக்கவில்லை.
அதேபோல, பா.ஜ.க. நிர்வாகி அலிஷா அப்துல்லாவிற்கும் எந்தவொரு பொறுப்பும் வழங்கப்படவில்லை என்பது பா.ஜ.க.வில் சலசலப்பை ஏற்படுத்தியுள்ளது.
