பிகாரில் அல்லு அர்ஜூனை காண கட்டுக்கடங்காத கூட்டம் திரண்டதால் நிகழ்ச்சி நடைபெற்ற இடத்தில் பரபரப்பான சூழல் நிலவியது.
‘புஷ்பா 2: தி ரூல்’ திரைப்படத்தின் டிரைலர் வெளியீட்டு நிகழ்ச்சி பிகார் மாநிலத் தலைநகர் பாட்னாவில் இன்று(நவ. 17) பிரம்மாண்டமாக நடைபெற்றது. பாட்னாவிலுள்ள காந்தி மைதானத்தில் மாலை 5 மணிக்கு தொடங்கிய நிகழ்ச்சியில் நடிகர் அல்லு அர்ஜூன், நடிகை ராஷ்மிகா மந்தனா உள்ளிட்ட பலர் கலந்துகொண்டனர்.
விடுமுறை நாளில் நடைபெறும் இந்த நிகழ்ச்சியில் நேரில் பங்கேற்க, மக்கள் கூட்டம் மைதானத்துக்கு வெளியே அலைமோதியது. பாஸ் வாங்கிச் செல்ல ரசிகரக்ள் முண்டியடித்துக்கொண்டு நின்றதால் மைதானதுக்கு வெளியே கூட்ட நெரிசல் அதிகரித்தது. அதில் பலர் கீழே தள்ளிவிடப்பட்டனர். ஒரு சிலருக்கு காயமும் உண்டானது.
கைகளில் பாஸ் கிடைத்ததும் நிகழ்ச்சியைக் காண்டுரசிக்கும் ஆர்வத்தில் துள்ளிக்குதித்துச் சென்ற ரசிகர் பட்டாளத்தையும் காண முடிந்தது. இந்த காணொலி காட்சிகள் சமூக வலைதளங்களில் அதிகம் பகிரப்பட்டு வருகின்றன. டிசம்பர். 5-ஆம் தேதி ‘புஷ்பா 2’ திரைக்கு வருகிறது.
