ஆந்திர வனப்பகுதியில் தமிழ்நாட்டை சேர்ந்த 4 பேர் சடலமாக மீட்பு.. வெளியான பகீர் தகவல்கள்! | இந்தியா

அத்துடன், மர்ம மரணம் தொடர்பாக வழக்குப்பதிவு செய்து விசாரணையை தொடங்கினர். விசாரணையில் இறந்தவர்கள் நாகப்பட்டினம் மாவட்டம் பாகொந்தொகை கிராமத்தைச் சேர்ந்த ஜெயமாலா, அவரின் மகள்கள் தர்ஷினி, ஹர்ஷினி மற்றும் உறவினர் கலைச்செல்வம் என்பது தெரியவந்தது. தொடர்ந்து மேற்கொண்ட விசாரணையில் ஜெயமாலாவின் கணவன் வெங்கடேஷ் குவைத்தில் வேலை செய்து வந்துள்ளார்.

தான் சம்பாதிக்கும் பணத்தில் பெரும் பகுதியை சொந்த ஊரில் உள்ள மனைவிக்கு அனுப்பியுள்ளார். அந்த பணத்தை ஜெயமாலா தன்னுடைய உறவினராக கலைச்செல்வன் மூலம் வட்டிக்கு கொடுத்து வசூலித்து வந்துள்ளார். அண்மையில் குவைத்தில் இருந்து வெங்கடேஷ் சொந்த ஊர் திரும்பியுள்ளார். வந்ததும், தான் அனுப்பிய பணத்தை எங்கே என்று மனைவியிடம் கேள்வி கேட்டுள்ளார்.

ஆனால் ஜெயமாலா, கணவர் சம்பதித்து அனுப்பிய பணத்திற்கு கணக்கு காட்டாமல், சரியான பதிலும் அளிக்காமல் இருந்துள்ளார். இதனால், இருவருக்கும் இடையே தகராறு ஏற்பட்டதாக கூறப்படுகிறது. திடீரென, கடந்த இரண்டு மாதங்களுக்கு முன்பு ஜெயமாலா, தனது இரு மகள்களுடன் மாயமாகியுள்ளார். அவர்களுடன் சேர்ந்து, அவரின் உறவினர் கலைச்செல்வனும் காணாமல் போயுள்ளார். தனது மனைவி மற்றும் குழந்தகளை பல்வேறு பகுதிகளில் வெங்கடேஷ் தேடியுள்ளார்.

மேலும், சம்பவ இடத்தில் இருந்து மருந்து பாட்டில்கள் உள்ளிட்ட சில பொருட்களையும் போலீசார் கைப்பற்றி உள்ளனர். நாகப்பட்டினத்தில் இரண்டு மாதங்களுக்கு முன்பு காணாமல் போன 4 பேரும், திருப்பதி அருகே அடர்ந்த வனப்பகுதியில் சடலமாக கண்டெடுக்கப்பட்ட சம்பவம் பெரும் பரபரப்பை ஏற்படுத்தியுள்ளது.