’Exit Poll எல்லாம் பம்மாத்த்து!’ அனுமான் சர்வாதிகாரத்தை அழிப்பார் என சிறைக்கு செல்லும் முன் கெஜ்ரிவால் பேட்டி!-arvind kejriwal comments before going to tighari jail that all exit polls are fake

கருத்து கணிப்புகள் போலியானவை 

பாஜக தலைமையிலான தேசிய ஜனநாயகக் கூட்டணி மூன்றாவது முறையாக ஆட்சி அமைக்கும் என்று கணிக்கப்பட்ட அனைத்து தேர்தலுக்கு பிந்தைய கருத்துக்கணிப்புகளும் “போலியானவை”  என்று கூறிய அவர், “நேற்று, தேர்தலுக்கு பிந்தைய கருத்துக்கணிப்புகள் வெளிவந்தன, அவை போலியானவை, நான் உங்களுக்கு எழுத்துப்பூர்வமாக கொடுக்க முடியும். ராஜஸ்தானில் மொத்தம் 25 நாடாளுமன்ற தொகுதிகள் உள்ளன. ஆனால் ஒரு கருத்துக் கணிப்பில் 33 இடங்கள் கிடைக்கும் என்று கூறப்பட்டுள்ளது. போலியான தேர்தலுக்கு பிந்தைய கருத்துக்கணிப்பு முடிவுகளை வெளியிட என்ன காரணம்?” என்று பாஜகவை குறிவைத்து அவர் கேள்வி எழுப்பினார்.