தேசிய விண்வெளி தினத்தன்று இமாச்சலப் பிரதேசத்தின் உனாவில் உள்ள ஸ்ரீ ஜவஹர் நவோதயா வித்யாலயாவில் மாணவர்களுடன் பாஜக எம்.பி. அனுராக் தாக்கூர் உரையாற்றி இருக்கிறார்.
அப்போது, ‘விண்வெளிக்குச் சென்ற முதல் நபர் யார்’ என்று மாணவர்களிடம் கேள்வி கேட்டிருக்கிறார்.
மாணவர்கள் ‘நீல் ஆம்ஸ்ட்ராங்’ என்று பதிலளித்திருக்கின்றனர்.
தொடர்ந்து அனுராக் தாக்கூர், ‘ஆனால், என்னைப் பொறுத்தவரை விண்வெளிக்குச் சென்ற முதல் நபர் ஹனுமான் என நான் நினைக்கிறேன்.
பிரிட்டிஷாரால் நமக்கு வழங்கப்பட்ட பாடப்புத்தகங்களைத் தாண்டி நமது வேதங்கள், நமது கலாச்சாரம், நமது அறிவை நோக்கி அதிகம் படிக்க வேண்டும்’ என்று கூறியிருக்கிறார்.
