அதிமுக கொள்கைபரப்பு துணைச் செயலாளர் நடிகை விந்தியா குறித்து அவதூறாக பேசி திமுக நிர்வாகி குடியாத்தம் குமரன் வீடியோ வெளியிட்டார். இது தொடர்பாக தேசிய மகளிர் ஆணையத்தில் அதிமுக வழக்கறிஞர் இன்பதுரை புகார் அளித்தார்.
இதனை தொடர்ந்து குமரன் மீது சென்னை மாநகர சைபர் க்ரைம் போலீசார் வழக்கு பதிவு செய்தனர். இந்த வழக்கில் தனக்கு முன்ஜாமீன் கோரி அவர் சென்னை உயர்நீதிமன்றத்தில் மனு தாக்கல் செய்தார். அந்த மனுவில், விந்தியா குறித்து தாம் தவறாக எதுவும் பேசவில்லை என்றும் தன் மீது தவறாக வழக்குப்பதிவு செய்யப்பட்டுள்ளதாகவும் கூறியிருந்தார்.
இந்த மனு நீதிபதி முன்பு விசாரணைக்கு வந்த போது, குமரனுக்கு முன்ஜாமீன் வழங்க கூடாது என விந்தியா சார்பில் எதிர்ப்பு தெரிவிக்கப்பட்டது. இதனையடுத்து, குமரனின் முன்ஜாமீன் மனுவை தள்ளுபடி செய்து நீதிபதி உத்தரவிட்டார்.
