இந்தியா டுடே பத்திரிகையின் நேர்காணலில், “அதிமுகவுக்கு அட்வைஸ் வழங்க மாட்டோம், அடுத்த கட்சி எப்படி செயல்பட வேண்டும் என வெளியில் இருந்து கூறுவது சரியானது அல்ல” என்று பேசிய முன்னாள் பாஜக மாநிலத் தலைவர் அண்ணாமலை, இன்று நடந்த செய்தியாளர் சந்திப்பில் விஜய்க்கு அட்வைஸ்களை வழங்கியிருக்கிறார்.
குறிப்பாக விஜய் சுற்றுப்பயண அட்டவணையில் அவர் சனி மற்றும் ஞாயிறுகளில் மட்டும் மக்களை சந்திப்பதாகக் கூறியிருப்பது குறித்து கடுமையான விமர்சனங்களை முன்வைத்தார் அண்ணாமலை.
அவர் பேசியதாவது, “ஒரு அரசியல் அல்லது அரசு நிர்வாகம் என்பது 24 மணி நேரமும் செய்யக் கூடிய வேலை. எப்போதும் நீங்கள் களத்தில் இருக்க வேண்டும். தவெகவை ஒரு சீரியஸான கட்சியாக எடுத்துக்கொண்டு வாக்களிக்க வேண்டுமென்றால், மக்கள் அந்த வேகத்தை களத்தில் 24 மணிநேரமும் பார்க்க வேண்டுமென நினைக்கிறார்கள்.
