நாடாளுமன்றத் தேர்தலின் நான்காம் கட்ட வாக்குப்பதிவு மே 13-ம் தேதி 10 மாநிலங்கள் மற்றும் ஜம்மு காஷ்மீரில் ஒரு தொகுதி என மொத்தம் 96 மக்களவைத் தொகுதிகளில் நடைபெறவிருக்கிறது. இதில் ஆந்திராவின் 25 மக்களவைத் தொகுதிகளுக்கும் ஒரே கட்டமாக வாக்குப்பதிவு நடைபெறுவதோடு, மாநிலத்தின் 175 சட்டமன்றத் தொகுதிகளுக்கும் வாக்குப்பதிவு நடைபெறவிருக்கிறது. இதில், ஆளும் ஒய்.எஸ்.ஆர் காங்கிரஸ், தெலுங்கு தேசம் கட்சி-பா.ஜ.க-ஜனசேனா கட்சி, காங்கிரஸ் என மும்முனைப் போட்டி நிலவுகிறது.
பா.ஜ.க தொடர்ச்சியாக தனது பிரசாரங்களில் மத அடிப்படையில் முஸ்லிம்களுக்கு இட ஒதுக்கீடு கூடாது என்று தீவிரமாகக் கூறிவருகிறது. குறிப்பாக பிரதமர் மோடி, மத்திய உள்துறை அமைச்சர் அமித் ஷா ஆகியோர் இந்தப் பிரசாரத்தை முன்னெடுத்து வருகின்றனர். நேற்றுகூட தெலங்கானாவில் நடைபெற்ற பிரசாரத்தில், “முஸ்லிம் இட ஒதுக்கீட்டை நீக்கிவிட்டு, எஸ்.சி, எஸ்.டி, ஓ.பி.சி இட ஒதுக்கீட்டை அதிகரிப்போம்” என அமித் ஷா பேசியிருக்கிறார்.
