எம்.எல்.ஏ. கன்னத்தில் பளார் விட்ட எதிர்க் கட்சி தொண்டர்… ஆந்திராவில் வாக்குப்பதிவின்போது பரபரப்பு

வாக்குப்பதிவின் போது,  தெனாலி சட்டமன்றத் தொகுதிக்கு உட்பட்ட  வாக்கு சாவடி ஒன்றுக்கு சென்ற சிவகுமாருக்கும், எதிர்க்கட்சியான தெலுங்கு தேசம் கட்சி தொண்டர்களுக்கும்  இடையே வாக்குவாதம் ஏற்பட்டதாக கூறப்படுகிறது.

இதனால் ஆத்திரமடைந்த எம்.எல்.ஏ. சிவக்குமார், எதிர்கட்சியை சேர்ந்த தொண்டர் ஒருவரின் கன்னத்தில் அறைந்தார். இதை சற்றும் எதிர்பாராத அவர், சிவக்குமாரை  திருப்பி அடித்தார். அப்போது இருதரப்பினரும் மாறி மாறி தாக்கிக்கொண்டனர். சம்பவம் குறித்து போலீசார் வழக்கு பதிந்து தகராறுக்கான காரணம் குறித்து விசாரித்து வருகின்றனர்.

VIDEO| Lok Sabha Elections 2024: YSRCP leader VS Shivakumar engaged in a slapping battle with a voter at a polling booth of Andhra Pradesh’s Guntur. #LSPolls2024WithPTI #LokSabhaElections2024

(Full video available on PTI Videos – https://t.co/n147TvqRQz) pic.twitter.com/SB9gqgmsGp

— Press Trust of India (@PTI_News) May 13, 2024

நாடு முழுவதும் மக்களவை தேர்தல் விறுவிறுப்பாக நடைபெற்று வருகிறது. 7 கட்டங்களாக நடத்தப்படும் இந்த தேர்தலில் தமிழ்நாட்டில் முதல்கட்ட வாக்குப்பதிவு கடந்த மாதம் 19 ஆம் தேதி நடைபெற்றது. அடுத்து 2 கட்டங்களாக தேர்தல் நடத்தி முடிக்கப்பட்ட நிலையில், இன்று 4 ஆவது கட்டமாக 96 தொகுதிகளுக்கு தேர்தல் நடைபெற்றது.

9 மாநிலங்கள் மற்றும் 1 யூனியன் பிரதேசத்தில் வாக்குப்பதிவுகள் நடத்தப்பட்டன. அதிலும் குறிப்பாக ஆந்திர மாநிலத்தில் சட்டமன்ற மற்றும் மக்களவை தேர்தல் ஒரே நேரத்தில் இன்று நடந்தது. அங்குள்ள 25 மக்களவை தொகுதிகள் மற்றும் 175 சட்டமன்ற தொகுதிகளுக்கு நடைபெற்ற வாக்குப் பதிவில், வாக்காளர்கள் ஆர்வத்துடன் ஜனநாயக கடமையை நிறைவேற்றினர்.

2019 இல் நடைபெற்ற சட்டமன்ற தேர்தலில் ஜெகன் மோகன் தலைமையிலான ஒய்.எஸ்.ஆர். காங்கிரஸ் கட்சி 151 சட்டமன்ற தொகுதிகளில் வெற்றி பெற்றது. இந்த தேர்தலில் ஜெகன் கட்சியை எதிர்த்து பாஜக, தெலுங்கு தேச கூட்டணி கடும் போட்டி கொடுத்து வருகிறது.