அமெரிக்க வர்த்தகத் துறை வெள்ளிக்கிழமையன்று 42 சீன நிறுவனங்களை அரசாங்க ஏற்றுமதிக் கட்டுப்பாட்டுப் பட்டியலில் சேர்த்தது. மாஸ்கோவின் இராணுவம் மற்றும் பாதுகாப்புத் தொழிற்துறை தளத்திற்காக ஆதரவு அளித்ததற்காக இந்த தடை விதிக்கப்பட்டுள்ளது.
பின்லாந்து, ஜெர்மனி, இந்தியா, துருக்கி, ஐக்கிய அரபு எமிரேட்ஸ் மற்றும் யுனைடெட் கிங்டம் ஆகிய நாடுகளைச் சேர்ந்த மேலும் ஏழு நிறுவனங்களும் வர்த்தக ஏற்றுமதி கட்டுப்பாட்டு பட்டியலில் சேர்க்கப்பட்டன.
ரஷ்யா பயன்படுத்திய, உக்ரைனில் பொதுமக்கள் இலக்குகளுக்கு எதிராக ஏவப்பட்ட ஏவுகணைகள் மற்றும் ட்ரோன்களில் பயன்படுத்தப்படும் மின்னணு சர்க்யுட்கள் அமெரிக்காவால் தயாரிக்கப்பட்டவை. இந்த மின்னணு சர்க்யுட்கள் ரஷ்யா பயன்படுத்துவது இப்போது தடை விதிக்கப்பட்ட நாடுகளால் தான் என்று அமெரிக்கா சூசகமாக கூறியுள்ளது.
நீங்கள் ரஷ்ய பாதுகாப்புத் துறைக்கு அமெரிக்க பூர்வீக தொழில்நுட்பத்தை வழங்கினால், நாங்கள் கண்டுபிடித்து நடவடிக்கை எடுப்போம்” என்று ஏற்றுமதி அமலாக்க உதவி செயலாளர் மேத்யூ ஆக்செல்ரோட் அறிக்கையில் தெரிவித்துள்ளார்.
அமெரிக்காவின் இந்த நடவடிக்கையை சீனா “பொருளாதார வற்புறுத்தல் மற்றும் ஒருதலைப்பட்ச கொடுமைப்படுத்துதல்” என்று சாடியுள்ளது.
“அமெரிக்கா தனது தவறான நடைமுறைகளை உடனடியாக சரிசெய்து, சீன நிறுவனங்களை நியாயமற்ற முறையில் ஒடுக்குவதை நிறுத்த வேண்டும்” என்று சீனாவின் வர்த்தக அமைச்சகம் அறிக்கையில் தெரிவித்துள்ளது.
ரஷ்யா, உக்ரைனை ஆக்கிரமித்து 20 மாதங்கள் ஆகிறது. வியாழன் அன்று வடகிழக்கு உக்ரைனில் உள்ள ஒரு கிராமத்தில் ரஷ்யா நடத்திய ஏவுகணை தாக்குதலில் குறைந்தது 52 பேர் கொல்லப்பட்டனர்.
அமெரிக்க ஏற்றுமதியாளர்கள் இந்த தடை செய்யப்பட்ட நிறுவனகளுக்கு ஏற்றுமதி செய்ய வேண்டாம் என்று அமெரிக்கா கூறியுள்ளது.
