இந்தியாவின் இரவு நேர உணவு விநியோகம் – பெங்களூருவில் வசிக்கும் அமெரிக்க பெண் பாராட்டு

அந்த வீடியோவில், டானா மகிழ்ச்சியுடன் ஒரு கேக் துண்டை சாப்பிடுவதைக் காணலாம். “இந்தியாவில், இரவு 11 மணிக்குள் கூட, 20 நிமிடங்களுக்குள் உணவு உங்கள் வீட்டு வாசலுக்கு டெலிவரி செய்யப்படும்” என்று டானா அதில் குறிப்பிட்டிருந்தார். “கேக் மட்டும் இல்ல… நீங்க ஒரு பெருநகரத்துல வசிச்சீங்கன்னா, ஐஸ்க்ரீம், காபி, கோக், வெள்ளரிக்காய், கத்தரிக்கோல் எல்லாம் கிடைக்கும்,” என்றும் டானா கூறியுள்ளார்.

டானா பகிர்ந்து கொண்ட இந்த வீடியோ விரைவில் நெட்டிசன்கள் கவனத்தை ஈர்த்தது. இந்த வீடியோ வைரலானதை அடுத்து 3.9 மில்லியனுக்கும் அதிகமானோர் பார்த்துள்ளனர். மேலும், பல நெட்டிசன்கள் அந்த வீடியோவைப் பார்த்து தங்கள் கருத்துக்களை தெரிவித்து வருகின்றனர். அவர்களில் பெரும்பாலோர் இரவில் உணவு ஆர்டர் செய்த அனுபவத்தைப் பற்றிப் பேசினர்.

இது ஒரு பெருநகரம் இல்லையென்றாலும், எனது ஆதார் அட்டை அதிகாலை 2 மணிக்கு பிரிண்ட்அவுட் செய்யப்பட்டது, என்று ஒருவர் கருத்து தெரிவித்தார். மற்றொரு யூசர், நீங்கள் என்ன சொல்கிறீர்கள்? மற்ற நாடுகளில் இதுபோன்ற அமைப்பு இல்லையா? என்று கேட்டார். இன்னொரு யூசர், நீங்கள் 10 நிமிடங்களில் PS5 ஐப் பெறலாம், அதே போல் அதே ஆப்-இல் மளிகைப் பொருட்களையும் பெறலாம், என்று கூறியுள்ளார். இது இந்தியாவில் மிகப்பெரிய சலுகை, மற்ற நாடுகளுடன் ஒப்பிடும்போது இங்கு வாழ்க்கை மிகவும் எளிதானது, என்று ஒரு யூசர் கூறினார்.

ஒரு யூசர், இரவில் ரூ.4,000 மதிப்புள்ள சாக்லேட்டுகள் மற்றும் சிற்றுண்டிகளை ஆர்டர் செய்தேன், 6 டெலிவரி பாய்ஸ் பொருட்களுடன் வந்தார்கள் என்று கூறியுள்ளார். மற்றொருவர் அதிகாலை 2 மணிக்கு சூப் ஆர்டர் செய்தேன் என்று கூறினார். நான் அதிகாலை 3 மணி மற்றும் 5 மணிக்கு ஐஸ்கிரீம் மற்றும் உணவை ஆர்டர் செய்தேன், அது சரியான நேரத்தில் வந்து சேர்ந்தது, மேலும் அது மிகவும் சுவையாக இருந்தது என்றும் இன்னொருவர் கூறியுள்ளார். உண்மையை சொன்னால், இந்தியாவில் வாழ்வதை நான் பாக்கியமாகக் கருதுகிறேன், என்று மற்றொருவர் கருத்து தெரிவித்தார்.