இந்த 2023 ஐபிஎல் சீசன் இறுதிப் போட்டியில் குஜராத் டைட்டன்ஸ் அணியும் சென்னை சூப்பர் கிங்ஸ் அணியும் விளையாட உள்ளது.
இந்நிலையில் போட்டி தொடங்குவதற்கு 2 மணி நேரத்துக்கு முன்பாக தனது ட்விட்டர் பக்கத்தில் தனது ஐபிஎல் ஓய்வை அறிவித்துள்ளார், அம்பத்தி ராயுடு. இந்த பதிவில், “14 சீசன்கள், 2 சிறந்த அணிகள், 204 ஆட்டங்கள், 11 பிளே ஆஃப்ஸ், 8 இறுதிப்போட்டிகள், 5 கோப்பைகள். இன்றிரவு 6வது கோப்பையை வெல்வேன் என நம்புகிறேன். இது ஒரு நல்ல பயணம். இன்றிரவு நடக்கும் இறுதிப் போட்டி தான், ஐபிஎல் தொடரில் எனது கடைசி ஆட்டமாக இருக்க, நான் முடிவு செய்துள்ளேன். உண்மையிலேயே இந்த தொடரை சந்தோசத்துடன் விளையாடி மகிழ்ந்தேன். அனைவருக்கும் நன்றி. No u turn!” என குஷியாக அறிவித்துள்ளார்.
2 great teams mi nd csk,204 matches,14 seasons,11 playoffs,8 finals,5 trophies.hopefully 6th tonight. It’s been quite a journey.I have decided that tonight’s final is going to be my last game in the Ipl.i truly hav enjoyed playing this great tournament.Thank u all. No u turn
— ATR (@RayuduAmbati) May 28, 2023
2010 ஐபிஎல் சீசனில் மும்பை இந்தியன்ஸ் அணிக்காக அறிமுகமாகி விளையாடத் தொடங்கினார். 2018 சீசனில் முதல் முறையாக சென்னை சூப்பர் கிங்ஸ் அணிக்காக விளையாடத் தொடங்கினார். மேலும், இந்த 2023 தொடரில் 15 போட்டிகளில் விளையாடியுள்ள இவர், 135 ரன்கள் மட்டுமே எடுத்துள்ளார்.
2018 சீசனில் சென்னை சூப்பர் கிங்ஸ் அணி கோப்பையை வென்ற போது, 16 போட்டிகளில் விளையாடி 602 ரன்கள் எடுத்து அசத்தியிருந்தார், அம்பத்தி ராயுடு.
