450 பாட்டில்கள் பறிமுதல்: இந்த நிலையில், சென்னையில் அரும்பாக்கம், கோலப் பெருமாள் பள்ளி தெருவில் உள்ள தனியாா் மருந்து மொத்த விற்பனை கிடங்கு ஒன்றில் விற்பனைக்காக தாய்ப்பால் பாக்கெட்டுகள் வைக்கப்பட்டுள்ளதாக உணவு பாதுகாப்பு துறைக்கு தகவல் கிடைத்தது. அதன்பேரில், அத்துறையின் சென்னை மாவட்ட நியமன அலுவலா் சதீஷ்குமாா், அதிகாரி சதாசிவம் ஆகியோா் தலைமையிலான குழுவினா், அந்தக் கிடங்கில் திங்கள்கிழமை ஆய்வு செய்தனா். அப்போது 50 மி.லி. அளவு கொண்ட தாய்ப்பால் 450 பாட்டில்களில் விற்பனைக்கு வைக்கப்பட்டிருந்தது. மேலும், 5 கிராம் அளவிலான தாய்ப்பால் பவுடா் 800 பாக்கெட்டுகள் இருந்தன. அவற்றின் மதிப்பு ரூ.9 லட்சம் இருக்கும் என மதிப்பிடப்பட்டுள்ளது.
