துணை குடியரசுத் தலைவர் ஜெகதீப் தன்கர் எய்ம்ஸில் அனுமதி.. நேரில் சென்று விசாரித்த பிரதமர் மோடி

இதய பிரச்சனையின் காரணமாக, எய்ம்ஸ் இதய அவசர சிகிச்சைப் பிரிவில் அனுமதிக்கப்பட்டுள்ள அவருக்கு, இதயவியல் துறைத் தலைவர் ராஜீவ் நரங் தலைமையிலான மருத்துவர்கள் குழு அவருக்கு சிகிச்சை அளித்து வருகிறது.

சிகிச்சைக்குப் பின்னர் ஜெகதீப் தன்கரின் உடல்நிலை சீராக இருப்பதாகவும், மருத்துவர்கள் குழு தொடர்ந்து கண்காணித்து வருவதாகவும் மருத்துவமனை நிர்வாகம் தெரிவித்துள்ளது.

இதையும் படியுங்கள் : மணிப்பூரில் மீண்டும் கலவரம்… துப்பாக்கி சூடு சம்பவத்தால் பதற்றம்

மத்திய சுகாதார அமைச்சர் ஜே.பி. நட்டா எய்ம்ஸ் மருத்துவமனைக்கு விரைந்து குடியரசுத் துணைத் தலைவரின் உடல்நலன் குறித்து விசாரித்தார்.

அதேபோல், இந்தியப் பிரதமர் நரேந்திர மோடி டெல்லி எய்ம்ஸ் மருத்துவமனைக்கு சென்று துணை குடியரசுத் தலைவர் ஜெகதீப் தன்கரின் உடல்நிலை குறித்து மருத்துவர்களிடம் கேட்டறிந்ததாக தனது எக்ஸ் பக்கத்தில் பதிவிட்டுள்ளார். மேலும், அவர் தனது எக்ஸ் பக்கத்தில், ஜெகதீப் தன்கர் விரைவில் நலம் பெற்று திரும்ப பிரார்த்திப்பதாகவும் தெரிவித்துள்ளார்.

Went to AIIMS and enquired about the health of Vice President Shri Jagdeep Dhankhar Ji. I pray for his good health and speedy recovery. @VPIndia

— Narendra Modi (@narendramodi) March 9, 2025