தி.மு.க கூட்டணிக்குள் குழப்பம்!
துணை முதல்வர் உதயநிதியின் விமர்சனம் குறித்து அ.தி.மு.க தகவல் தொழில்நுட்பப் பிரிவு இணைச் செயலாளர், சி.டி.ஆர். நிர்மல்குமாரிடம் பேசினோம், “உதயநிதி சொல்வதில் துளி கூட உண்மையில்லை. தற்போது தி.மு.க கூட்டணியில் உள்ள கட்சிகள் அவர்கள் சொல்வதுபோல கொள்கை அடிப்படையில் அமைக்கப்பட்ட ஒரு கூட்டணி கிடையாது. கம்யூனிஸ்ட் கட்சி தொடங்கி, வி.சி.க வரை அனைத்துமே தனிப்பட்ட கொள்கைகளைக் கொண்ட கட்சிகள். அவ்வளவு ஏன் காங்கிரஸ் கட்சியும் வேறு வழியில்லாது தேர்தல் அரசியலுக்காக தி.மு.க-வுடன் கூட்டணியில் இருக்கிறது. ஆட்சி அதிகாரத்துக்கு வந்த இந்த மூன்று ஆண்டுகளில் தி.மு.க மக்களுக்கு எதுவும் செய்யவில்லை. கூட்டணிக் கட்சிகளின் கோரிக்கைகளையும் நிறைவேற்றவில்லை. இப்போது எதிர்க்கட்சியான அ.தி.மு.க-வைத் தாண்டி கூட்டணிக் கட்சியைச் சேர்ந்தவர்களே ஆளும் தி.மு.க அரசுக்கு எதிராகப் போராட்டங்கள், ஆர்ப்பாட்டங்களை முன்னெடுப்பதை நாம் கண்கூட பார்க்கிறோம்.
