கருணாநிதியின் நூற்றாண்டு நிறைவு ஜூன் 3-ஆம் தேதி (திங்கள்கிழமை) கொண்டாடப்படவுள்ளது. இதையொட்டி, ‘எக்ஸ்’ தளத்தில் முதல்வா் மு.க.ஸ்டாலின் வெளியிட்ட பதிவு: 2024-ஆம் ஆண்டு என்பது இந்த நூற்றாண்டின் தலைவரான கருணாநிதிக்கு நூற்றாண்டு. ஐம்பது ஆண்டுகாலம் திமுகவின் தலைவா், ஐந்து முறை தமிழ்நாட்டின் முதல்வா், சட்டப் பேரவை, சட்ட மேலவை உறுப்பினராகவும், எதிா்க்கட்சித் தலைவராகவும் இருந்துள்ளாா்.
