`மகளிர் இலவச பேருந்துகளால் மெட்ரோவில் கூட்டமில்லை!’ – மோடி கூறியது சரியா? | விகடன் கருத்துக்கணிப்பு | vikatan poll results about modi statement of metro goes down because of free travel for women in bus

அதற்கடுத்த சில நாள்களில் பிரதமர் மோடி, `ஒரு நகரத்தில் மெட்ரோவைக் கட்டுகிறீர்கள். பின்பு, அதே நகரத்தில் தேர்தலில் வெற்றி பெறுவதற்காக மகளிருக்கு இலவச பேருந்து பயணத்தை வாக்குறுதியளிக்கிறீர்கள். இதன் பொருள், மெட்ரோ பயணிகளில் 50 சதவிகிதம் பேரை நீங்கள் வெளியே எடுக்கிறீர்கள்” என மாநில அரசுகளை விமர்சித்திருந்தார்.

அதைத் தொடர்ந்து மோடியின் விமர்சனம் தொடர்பாக விகடன் வலைதளப் பக்கத்தில் கருத்துக்கணிப்பு நடத்தப்பட்டது. அதில், `பேருந்துகளில் இலவச பயணங்கள் கொடுப்பதால், மெட்ரோ ரயில்களில் கூட்டமில்லை என பிரதமர் கூறியிருக்கும் கருத்து’ என கேள்வி கொடுக்கப்பட்டு, `சரியே, இலவச பயணத்துக்கு எதிரானது, நிலவரம் தெரியாமல் பேசுகிறார்’ என மூன்று விருப்பங்கள் தரப்பட்டிருந்தது.