தமிழ்நாட்டில் கடந்த டிசம்பர் மாதத்தில் சென்னை, திருவள்ளூர், காஞ்சிபுரம், செங்கல்பட்டு மற்றும், கன்னியாகுமரி, தூத்துக்குடி, திருநெல்வேலி, தென்காசி மாவட்டங்களில் கனமழை கொட்டித்தீர்த்தது. இதனால் ஆயிரக்கணக்கான வீடுகள், விளைநிலங்கள் சேதமடைந்தன. தமிழ்நாடு அரசு சார்பில் வெள்ள பாதிப்புக்கு நிதியும் மத்திய அரசிடம் கோரப்பட்டது.
இந்த நிலையில், வெள்ள நிவாரண நிதியாக 37,907 கோடி ரூபாய் நிதி வழங்கக் கோரிய வழக்கை அவசர வழக்காக விசாரிக்க தமிழ்நாடு அரசு சார்பில் மூத்த வழக்கறிஞர் வில்சன் உச்சநீதிமன்றத்தில் முறையிட்டுள்ளார். தலைமை நீதிபதி சந்திரசூட் அமர்வு இந்த வழக்கை உடனடியாக விசாரிக்க வேண்டும் என்றும் அந்த மனுவில் குறிப்பிடப்பட்டுள்ளது.
தமிழ்நாடு அரசு சார்பில் முன்வைக்கப்பட்ட இந்த வலியுறுத்தலை பரிசீலிப்பதாக உச்சநீதிமன்றம் உறுதியளித்திருக்கிறது. வழக்கு விரைவில் விசாரணைக்கு வரும் என்றும் எதிர்பார்க்கப்படுகிறது. வெள்ள பேரிடர் நிதி குறித்து தமிழ்நாட்டில் பல்வேறு தரப்பான விமர்சனங்கள் எழுந்து வந்தது. நாடாளுமன்றத் தேர்தல் நேரத்தில் மத்திய அரசு நிதி அளிக்கவில்லை என்று பிரதான திராவிட கட்சிகள் மத்திய அரசை சாடியிருந்த நிலையில், தமிழ்நாடு அரசு உச்சநீதிமன்றத்தை நாடி முறையிட்டிருப்பது தேசிய அளவில் கவனம் ஈர்த்திருக்கிறது.
தமிழ்நாட்டைப் போலவே கர்நாடகத்திலும் போதிய வெள்ள நிவாரண நிதி அளிக்கப்படவில்லை என்ற குற்றச்சாட்டு எழுந்த நிலையில் தற்போது உச்சநீதிமன்றத்தை தமிழ்நாடு அரசு நாடியிருப்பது கவனிக்கத்தக்க அம்சமாகும்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…
