திருவனந்தபுரம்: செல்போனில் வீடியோ காலில் அழைத்து கல்லூரி மாணவியிடம் ஆபாசமாகப் பேசிய சப் இன்ஸ்பெக்டர் இடமாற்றம் செய்யப்பட்டார். திருவனந்தபுரம் அருகே உள்ள தோன்னக்கல்லில் சர்வதேச அறிவியல் திருவிழா நடைபெற்று வருகிறது. கேரளாவின் பல்வேறு பகுதிகளிலிருந்தும் பள்ளி, கல்லூரி மாணவ, மாணவிகள் இதில் கலந்து கொண்டு வருகின்றனர். இங்கு கடினங்குளம் போலீஸ் சப் இன்ஸ்பெக்டர் முகம்மது நசீம் தலைமையில் போலீஸ் பாதுகாப்பு போடப்பட்டிருந்தது. இந்தநிலையில் சப்-இன்ஸ்பெக்டர் முகம்மது நசீம், அறிவியல் திருவிழாவுக்கு வந்த ஒரு கல்லூரி மாணவியின் செல்போன் நம்பரை வாங்கியுள்ளார்.
பின்னர் இரவு நேரங்களில் அந்த மாணவியை வீடியோ காலில் அழைத்து இவர் ஆபாசமாக பேசி வந்துள்ளார். இதையடுத்து கடந்த சில தினங்களுக்கு முன் அந்த மாணவி, சக மாணவிகளுடன் சென்று சப்-இன்ஸ்பெக்டரிடம் தகராறு செய்தார். அப்போது அந்த மாணவிகளை சப் இன்ஸ்பெக்டர் நசீம் மிரட்டி அனுப்பி வைத்ததாக கூறப்படுகிறது. இது குறித்து போலீஸ் உயரதிகாரிகளுக்கு தெரியவந்தது. இதையடுத்து சப்-இன்ஸ்பெக்டர் முகம்மது நசீமை காஞ்சிரங்குளத்திற்கு இடமாற்றம் செய்து செய்து திருவனந்தபுரம் மாவட்ட எஸ்பி உத்தரவிட்டார்.
