புதுடெல்லி: சமூக ஊடக தளமான X இல் (முன்பு ட்விட்டரில்) சிவசேனா (யுபிடி) தலைவர் சஞ்சய் ரவுத்தின் “யூத எதிர்ப்பு” பதிவு குறித்து புகார் தெரிவித்து வெளியுறவு அமைச்சகம் மற்றும் லோக்சபா சபாநாயகர் ஓம் பிர்லாவுக்கு இஸ்ரேலிய தூதரகம் கடுமையான வார்த்தைகளுடன் கடிதம் எழுதியுள்ளது.
எப்பொழுதும் இந்தியாவுக்கு ஆதரவாக நிற்கும் ஒரு நாட்டை அவர் எவ்வாறு காயப்படுத்தினார் என்று லோக்சபா சபாநாயகரிடம் தெரிவிக்க தூதரகம் விரும்புவதாக இஸ்ரேலிய வட்டாரங்கள் தெரிவித்தன.
நவம்பர் 14 அன்று, ராவுத் காசா மருத்துவமனையில் “மோசமான நிலை” பற்றிய கட்டுரையை ஹிந்தியில் தனது சொந்த கருத்துகளுடன் மறுபகிர்வு செய்திருந்தார், “ஹிட்லர் யூதர்களை ஏன் மிகவும் வெறுக்கிறார் என்பதை இப்போது புரிந்துகொள்ளமுடிகிறது ” என்று கூறியிருந்தார்.
ரவுத் அந்த ட்வீட்டை பின்னர் நீக்கிய போதிலும், இஸ்ரேலிய அதிகாரிகள் ஸ்கிரீன் ஷாட்டை எடுத்த நேரத்தில் அது 293,000 பார்வைகளைப் கடந்திருந்தது. அவர்கள் இந்திய அரசாங்கத்திற்கு தங்கள் அஞ்சல் மூலம் இடுகையை இணைத்து ஆதாரங்களை தெரிவித்தனர்.
அந்தக் கடிதத்தில், ஒரு இந்திய நாடாளுமன்ற உறுப்பினர் இந்தியாவில் இதுவரை கண்டிராத வகையிலான “யூதவிரோதத்தில்” இப்படி ஈடுபடுவார் என்று தங்களது அதிர்ச்சியை வெளிப்படுத்தியதாக ஒரு வட்டாரம் தெரிவித்துள்ளது.
ThePrint பத்திரிகை இஸ்ரேலிய தூதரகத்தை அணுகியது, ஆனால் அது கருத்து தெரிவிக்க மறுத்துவிட்டது.
அக்டோபர் தொடக்கத்தில் தொடங்கிய இஸ்ரேல்-ஹமாஸ் மோதல் பற்றி ராவுத் மிகவும் குரல் கொடுத்து வருகிறார்.
கடந்த மாதம், அவர் ஆளும் பாஜகவை போராளிக் குழுவுடன் ஒப்பிட்டு கூறியிருந்தார், பின்னர் நரேந்திர மோடி அரசாங்கத்திற்கு பெகாசஸ் “ஸ்னூப்பிங்” மென்பொருளை வழங்கியதால் இந்தியா இஸ்ரேலை ஆதரிப்பதாகக் கூறினார்.
