சென்னை: அணைகளில் உள்ள தண்ணீர் காலியாகாமல் இருக்க தெர்மாகோல் கொண்டு மூடிவைத்துள்ளோம் என அமைச்சர் துரைமுருகன் கூறியதால் பேரவையில் சிரிப்பலை எழுந்தது.
சட்டப்பேரவையில் நேற்று கேள்வி நேரத்தின்போது அதிமுக உறுப்பினர் செல்லூர் ராஜு, ‘‘மதுரை மாவட்ட குடிநீருக்காக முல்லை பெரியாறு அணையில் இருந்து தண்ணீர் கொண்டுவரும் திட்டம் அதிமுக ஆட்சியில் செயல்படுத்தப்பட்டது. அத்திட்டப் பணிகள் மந்தமாக நடைபெறுகிறது. அதை விரைவுபடுத்த வேண்டும். மதுரை மாவட்ட மக்களுக்கு கழிவுநீர் கலக்காத நல்ல நீரை வழங்க வேண்டும்’’ என்றார்.
