Last Updated:
தலைமைத் தேர்தல் ஆணையர் ஞானேஷ் குமாருக்கு எதிரான, முறைகேடு மற்றும் மலேசியப் பொறியாளர் தற்கொலை வழக்கின் பின்னணி குறித்து லஞ்ச ஒழிப்புத் துறை விசாரணைக்கு கேரள அரசு உத்தரவிட்டுள்ளது.
தலைமைத் தேர்தல் ஆணையர் ஞானேஷ் குமாருக்கு எதிரான, முறைகேடு மற்றும் மலேசியப் பொறியாளர் தற்கொலை வழக்கின் பின்னணி குறித்து லஞ்ச ஒழிப்புத் துறை விசாரணைக்கு கேரள அரசு உத்தரவிட்டுள்ளது.
கடந்த 2006 ஆம் ஆண்டு ஞானேஷ் குமார் கேரள பொதுப்பணித்துறை செயலாளராகப் பணியாற்றியபோது, மாநிலப் போக்குவரத்துத் திட்டத்தில் பெரும் முறைகேடு நடைபெற்றதாகக் குற்றச்சாட்டு எழுந்துள்ளது.
இத்திட்டத்தில் பணியாற்றிய மலேசிய பொறியாளர் ‘லீ சீ பீன்’ தற்கொலை செய்து கொண்ட நிலையில், அவரது தற்கொலை கடிதத்தில், ஞானேஷ் குமாரின் பெயர் குறிப்பிடப்பட்டிருந்ததாகவும், அரசியல் செல்வாக்கைப் பயன்படுத்தி இந்த விசாரணை முடக்கப்பட்டதாகவும் புகார் எழுந்தது.
இதையடுத்து இந்த வழக்கில் நடைபெற்ற அரசியல் தலையீடு குறித்து விசாரித்து உரிய நடவடிக்கை எடுக்குமாறு லஞ்ச ஒழிப்புத் துறை இயக்குநருக்கு கேரள உள்துறை அமைச்சர் ரமேஷ் சென்னிதலா உத்தரவிட்டுள்ளார்.
வாக்காளர் பட்டியல் சிறப்புத் தீவிர திருத்தப் பணிகளில் முறைகேடு நடந்ததாகக் கூறி, ஞானேஷ் குமாருக்கு எதிராக நாடு முழுவதும் போராட்டம் தீவிரமடைந்து வரும் சூழலில், கேரள அரசின் இந்த நடவடிக்கை தேசிய அளவில் பரபரப்பை ஏற்படுத்தியுள்ளது.
