தமிழக வெற்றிக் கழகத்தின் தலைவர் விஜய் கடந்த செப்டம்பர் 27-ம் தேதி கரூரில் சுற்றுப்பயணம் மேற்கொண்டபோது கூட்ட நெரிசலில் சிக்கி 41 பேர் உயிரிழந்தனர்.
இதுதொடர்பாக முறையான விசாரணை நடைபெற்றுவருகிறது. அரசு மற்றும் த.வெ.க உள்ளிட்ட அரசியல் கட்சிகள், உயிரிழந்த 41 பேரின் குடும்பங்களுக்கு நிதியுதவி செய்துவருகின்றன.
இந்த நிலையில் சுற்றுச்சூழல் அமைப்பான பூவுலகின் நண்பர்கள் அமைப்பு, கரூரில் சம்பவத்தன்று சம்பவ இடத்தில் நிலவிய கொடும் வெப்பத்தின் தாக்கத்தை UTCI அடிப்படையில் ஆராய்ந்து, அதனடிப்படையில் மத்திய, மாநில அரசுகளுக்கு 10 கோரிக்கைகளை முன்வைத்திருக்கிறது.
பூவுலகின் நண்பர்கள் அமைப்பின் கோரிக்கைகள்:
1. அதிகப்படியான மக்கள் கூடும் நிகழ்வுகளை வெப்பநிலை சார்ந்து ஒழுங்குபடுத்துவதற்குத் தேவையான சட்ட விதிகள், ஆய்வு முறைகள் உருவாக்கப்பட வேண்டும்.
2. மக்களை அதிக நேரம் குறுகலான சாலைகளில் கூரை/பந்தல் வசதியின்றி நிற்கவைத்து அதன் பின்னர் தலைவர்கள் வந்து சந்திக்கும் வகையில் திட்டமிடப்படும் Road Show தடை செய்யப்பட வேண்டும்.
3. பொதுவாக அதிக வெப்பம் நிலவக்கூடிய பிப்ரவரி முதல் அக்டோபர் வரையிலான காலத்தில் திறந்தவெளி பொதுக்கூட்டங்களைப் பகலில் அனுமதிக்கக் கூடாது.
