‘பெண்களின் கழிவறைகளை பொதுப்பணித்துறை அப்படித்தான் கட்ட அனுமதிக்கிறது!’ – முதல்வரிடம் கோரிக்கை வைக்கும் முன்னாள் எம்.பி Dr. செந்தில்குமார் | Former MP urges CM to review PWD norms for women’s toilets

பொதுப்பணித்துறை விதிகளே இதுதான்!

இந்நிலையில் இந்த சம்பவம் தொடர்பாக அவரைத் தொடர்புகொண்டு பேசினோம்.

“நான் நாடாளுமன்ற உறுப்பினராக இருக்கும்போது பெண்களுக்கு நவீன கழிப்பறை வசதியை ஏற்படுத்தித் தருவதைத்தான் என்னுடைய முக்கிய நோக்கமாக வைத்திருந்தேன்.

இந்தக் கழிப்பிடக் கட்டிடங்களைக் கட்டும்போது டெண்டர் விடுவார்கள். பிறகு கான்ட்ராக்டர்களுக்குப் பொதுப்பணித்துறை (PWD) அதற்கான டிசைனை அனுப்புவார்கள்.

குறிப்பிட்ட பட்ஜெட்டை அதற்கு என்று நிர்ணயம் செய்துவைத்திருக்கிறார்கள். அதனால் கான்ட்ராக்ட் எடுப்பவர்கள் அந்த பட்ஜெட்டுக்குள்ளும் செய்ய முடியாது. பட்ஜெட்டை தாண்டியும் செய்ய முடியாது.

நான் எம்.பியாக இருந்தபோது ஒரு கழிப்பறை கட்டிக்கொடுப்பதற்கு 13 லட்ச ரூபாயை நிர்ணயம் செய்து வைத்திருந்தார்கள்.

முதல் முறையாக ஒரு கழிப்பறைக் கட்டிடத் திறப்பிற்குப் போகும்போது அதில் கதவு, வாஷ்பேஷன் எல்லாம் இருந்தது.

ஆனால் பெண்களுக்கான அந்தக் கழிவறையில் ஒரு கழிவறைக்கும் இன்னொரு கழிவறைக்கும் இடையில் தடுப்புகள் இல்லை.

இதை நான் கேட்கும்போதுதான், பொதுப்பணித்துறை விதிகளின்படி அரசு பள்ளிகளில் மாணவிகள் பயன்பாட்டிற்குக் கழிப்பறைகள் இப்படி கட்ட மட்டும்தான் அனுமதி வழங்கப்படுகிறது என்று சொன்னார்கள்.