லடாக்கில் வெடித்த இளைஞர்கள் போராட்டம்..! ஏன் தெரியுமா? | இந்தியா

ஜம்மு -காஷ்மீருக்கு சிறப்பு அந்தஸ்து வழங்கிய அரசியலமைப்பு சட்டப்பிரிவு 370ஐ, கடந்த 2019 ஆகஸ்ட் 5 ஆம் தேதி மத்திய பாஜக அரசு ரத்து செய்தது. இதையடுத்து, அம்மாநிலம் ஜம்மு – காஷ்மீர், லடாக் என இரு யூனியன் பிரதேசங்களாக பிரிக்கப்பட்டன.

இந்நிலையில் லடாக்கிற்கு மாநில அந்தஸ்து கோரிக்கையை வலியுறுத்தி காலநிலை ஆர்வலர் சோனம் வாங்சுக் தலைமையில் உண்ணாவிரதப் போராட்டம் நடந்து வந்தது.

அதன் தொடர்ச்சியாக நடந்த போராட்டத்தில் இளைஞர்களுக்கும் போலீசாருக்கும் தள்ளுமுள்ளு ஏற்பட்டது. இதனால், அங்கு வன்முறை வெடித்தது. ஆத்திரமடைந்த போராட்டக்காரர்கள், போலீசார் வாகனங்களுக்கு தீவைத்தனர். மேலும், லேவில் உள்ள பா.ஜ. அலுவலகத்திற்கும் தீ வைத்தனர்.

போலீசார் கண்ணீர்புகை குண்டுகளை வீசி, போராட்டக்காரர்களை கலையச் செய்த நிலையில் ஊரடங்கு உத்தரவு அமல்படுத்தப்பட்டுள்ளது.