” முள்ளை முள்ளால் எடு” சாலையில் குப்பையை கொட்டிய நபரின் கடை வாசலில் மலைபோல் குப்பைகளை குவித்த நகராட்சி ஊழியர்கள்! | இந்தியா

இதற்கிடையில், திங்கட்கிழமை இரவு 9:30 மணியளவில், மளிகை மற்றும் கிபிட் கடையின் ஊழியர் ஒருவர் அங்குள்ள சாலையில் குப்பைகளைக் கொட்டினார். இரவுப் பணியில் இருந்த தின்சுகியா நகராட்சி வாரிய ஊழியர்கள் இதைப் பார்த்து, சாலையில் குப்பைகளைக் கொட்டிக் கொண்டிருந்த ஊழியரிடம் விசாரித்தனர். அவர் எந்தக் கடையை சேர்ந்த ஊழியர் என்பதைக் கண்டுபிடித்தனர். கடையை கண்டுபிடித்த போதிலும் அவர்களுக்கு அபராதம் எதுவும் விதிக்கப்படவில்லை, மாறாக வேறு வழியில் அவர்களை தண்டிக்க முடிவெடுத்தனர்.

மறுநாள் காலையில், நகராட்சி ஊழியர்கள் அந்த கடைக்கு வந்து, புல்டோசர் மூலம் கொண்டு வரப்பட்ட குப்பைகளை கடையின் கடையின் மூடிய ஷட்டருக்கு முன்னால் அனைத்து குப்பைகளையும் கொட்டினர். இதுதவிர கடையின் முன் கொட்டப்பட்ட குப்பைகளை மண்வெட்டியால் பரப்பினர். மேலும் சாலையில் குப்பைகளை வீசிக்கொண்டிருந்த கடை உரிமையாளரை கண்டித்தனர்.

இதுகுறித்து டின்சுகியா நகராட்சி வாரியத் தலைவர் புலக் சேதாய் ஊடகங்களுக்கு கூறியதாவது, கடை உரிமையாளர் இந்த தவறை மீண்டும் மீண்டும் செய்து வருவதாகவும், அதனால்தான் அவருக்கு பாடம் கற்பிக்க இதுபோன்ற நடவடிக்கையை செய்ததாகவும் கூறியுள்ளார். மேலும் அவர், நகரத்தின் தூய்மையைப் பராமரிப்பது அனைவரின் பொறுப்பாகும் என்றும், விதிகளை மீறுபவர்கள் மீது கடுமையான நடவடிக்கை எடுக்கப்படும் என்றும் தெரிவித்துள்ளார்.