மகாராஷ்டிரத்தின் தாணே மாவட்டத்தில் உள்ள சால் பகுதியில் சட்டவிரோதமாகக் குடியேறிய 9 வங்கதேசத்தினர் கைது செய்யப்பட்டுள்ளதாக போலீஸார் தெரிவித்தனர்.
போலீஸாருக்கு கிடைத்த தகவலின் அடிப்படையில் பிவாண்டியின் தாக்கூர் படா பகுதியில் புதன்கிழமை பிற்பகல் சோதனை நடத்தியபோது, 9 பேர் கொண்ட குழுவைக் கைது செய்தது. அவர்களுக்கு வீட்டை வாடகைக்கு அளித்த வீட்டு உரிமையாளர் மீது வழக்குப் பதிவு செய்ததாக கொங்கான் காவல் நிலைய துணை ஆய்வாளர் ராஜேந்தி டோங்ரே தெரிவித்தார்.
குற்றம் சாட்டப்பட்டவர்களிடம் இருந்து பயண மற்றும் தங்கும் ஆவணங்களைச் சமர்ப்பிக்கத் தவறிவிட்டதாகவும், அவர்களிடமிருந்து மீட்கப்பட்ட அடையாள அட்டைகள் போலியாக தயாரிக்கப்பட்டு சட்டவிரோதமாகப் பெறப்பட்டதாகவும் அவர் கூறினார்.
மேலும், அவர்களிடமிருந்து ரூ.70,000 மதிப்புள்ள ஆறு மொபைல் போன்களை போலீஸார் பறிமுதல் செய்தனர்.
பாரதிய நியாய சன்ஹிதா மற்றும் பாஸ்போர்ட் (இந்தியாவிற்குள் நுழைதல்) சட்டத்தின் பிரிவுகள் 336(2) (மோசடி) மற்றும் பிற தொடர்புடைய விதிகளின் கீழ் வழக்குப் பதிவு செய்யப்பட்டுள்ளதாக அந்த அதிகாரி தெரிவித்தார். வீட்டு உரிமையாளரும் இணை குற்றவாளியாகச் சேர்க்கப்பட்டுள்ளார்.
குற்றம் சாட்டப்பட்டவர்கள் இந்தியாவிற்குள் எவ்வாறு நுழைந்தார்கள், அவர்கள் சட்டவிரோத குடியேறிகளின் வலையமைப்பின் ஒரு பகுதியாக இருக்கிறார்களா என்பதைக் கண்டறிய மேலும் விசாரணைகள் நடந்து வருவதாக அவர் கூறினார்.
சட்ட நடவடிக்கைகளைத் தவிர்க்க, வீட்டு உரிமையாளர்கள் தங்கள் வீடுகளை வாடகைக்கு அளிப்பதற்கு முன் தங்குபவர்களின் ஆவணங்களைச் சரிபார்க்க வேண்டும் என்று அதிகாரிகள் வலியுறுத்தியுள்ளனர்.
