வரி கொள்கை
தனிநபர் வரி, கார்ப்பரேட் வரி, சுங்கவரி கட்டமைப்பில் ஏற்படும் மாற்றங்கள் தொடர்பான கொள்கை மற்றும் வரி விகித மாற்றங்கள் குறித்த அறிவிப்பு பட்ஜெட்டில் வெளியாகலாம் என எதிர்பார்க்கப்படுகிறது. வரி அடிப்படையை விரிவுபடுத்துதல், வரி ஏய்ப்பைத் தடுப்பது, சர்ச்சைகளைக் குறைப்பது போன்ற நடவடிக்கைகளும் நிதிநிலை அறிக்கையில் அறிவிக்கப்படுகிறது. தொழில்நுட்பத்தின் விரிவான பயன்பாடு மற்றும் வருவாய் கசிவைத் தடுக்கும் நடவடிக்கைகள் இதுவரை அரசாங்கத்திற்கு பலனளித்துள்ளன. புதிய வருமான வரி மசோதா குறித்த அறிவிப்பும் பட்ஜெட் உரையில் வெளியாக வாய்ப்புள்ளது. ஜிஎஸ்டி கவுன்சிலால் அங்கீகரிக்கப்பட்ட ஜிஎஸ்டி தொடர்பான சட்ட மாற்றங்கள் நிதி மசோதாவின் ஒரு பகுதியாக இருக்கும்.
