Last Updated:
நான்கு மாநிலங்களில் நடந்த 28 சட்ட மேலவை இடங்களுக்கான தேர்தலில் காங்கிரஸ் ஒரு இடத்தில் கூட வெற்றி பெறாததை பிரதமர் மோடி கிண்டல் செய்துள்ளார்.
நான்கு மாநிலங்களில் நடந்த 28 சட்ட மேலவை இடங்களுக்கான தேர்தலில் காங்கிரஸ் ஒரு இடத்தில் கூட வெற்றி பெறாத நிலையில், காங்கிரஸ் எத்தனை இடங்களில் வென்றிருக்குமென யூகியுங்கள் என பிரதமர் மோடி கிண்டல் செய்துள்ளார்.
கர்நாடகா மாநிலத்தில் நடந்த நான்கு சட்ட மேலவை இடங்களுக்கான தேர்தலில் வடகிழக்கு ஆசிரியர், தென்கிழக்கு பட்டதாரிகள் மற்றும் மேற்கு பட்டதாரிகள் தொகுதிகளில் பாஜக அமோக வெற்றி பெற்றது. பெங்களூரு ஆசிரியர் தொகுதியை பாஜகவின் கூட்டணி கட்சியான ஜேடிஎஸ் கைப்பற்றிய நிலையில், ஆளும் கட்சியான காங்கிரஸ் அதிர்ச்சி தோல்வியை தழுவியது.
உத்தரப்பிரதேசத்தில் நடைபெற்ற 11 தொகுதிகளிலும் பாஜக மற்றும் சமாஜ்வாதி கட்சிகள் ஆதிக்கம் செலுத்தின. பிகாரில் நடந்த 8 சட்டமேலவை இடங்களுக்கான தேர்தலில் பாஜக, ஆர்ஜேடி ஆகிய கட்சிகளின் கரங்கள் ஓங்கின.
சரண் ஆசிரியர் தொகுதியில் சுயேட்சை வேட்பாளர் வென்ற நிலையில், காங்கிரஸ் அனைத்து தொகுதிகளையும் கோட்டைவிட்டது. மகாராஷ்டிராவில் நடந்த 5 சட்ட மேலவை தொகுதிகளுக்கான தேர்தலில் பாஜக தலைமையிலான மகாயுதி கூட்டணி தன்வசப்படுத்தியது.
MLC elections in 28 seats across 4 big states – Uttar Pradesh, Maharashtra, Bihar and Karnataka.
Elections held using ballot papers.Guess how many seats Congress won? 🧐
— Narendra Modi (@narendramodi) October 28, 2026
இந்நிலையில் பிரதமர் நரேந்திர மோடி, “உத்தரப் பிரதேசம், மகாராஷ்டிரம், பீகார் மற்றும் கர்நாடகம் ஆகிய 4 பெரிய மாநிலங்களில் உள்ள 28 இடங்களுக்கு எம்எல்சி (MLC) தேர்தல்கள் நடைபெற்றன. இத்தேர்தல்கள் வாக்குச்சீட்டு முறையில் நடத்தப்பட்டன. காங்கிரஸ் கட்சி எத்தனை இடங்களை வென்றது என்று நினைக்கிறீர்கள்?” என கிண்டல் செய்துள்ளார்.
